એક રાષ્ટ્રવાદી મિત્ર મારી ઉલટતપાસ લઇ રહ્યો હતો.
મિત્ર: તમે સેક્યુલરો ડરી ગયાં છો. મોદીથી ભયભીત થઇ રોદણાં રડો છો.
હું : જરાય નહી! ચર્ચના આતંક સામે બ્રુનો ડરેલો? ગેલિલીયો ડરેલો? મિત્ર વિશ્વનો ઇતિહાસ બહું રોમાંચક રહ્યો છે. નકારાત્મક શક્તિઓ જ્યારે રાષ્ટ્ર પર શાસન કરવા માંડે ત્યારે આ રોદણાં રોવાવાળા રાષ્ટ્રના આત્માને જીવન બક્ષે છે. એકવાર ફરી માનવોને માનવતા યાદ આવશે ત્યારે આજે તમે જેના પર હસી રહ્યાં છો તેનું રાષ્ટ્ર ઋણ ચુકવશે..નકલી રાષ્ટ્રવાદનો પરદો ચીરીને આ લોકોને ખુદ રાષ્ટ્ર ઉચ્ચાસને બેસાડશે..મને સહેજ પણ ડર નથી કે, રાષ્ટ્ર અંધકારમાં ગર્ત થઇ જશે. કેમ કે, હું જાણું છું મનુષ્યના સ્વભાવને એ ફરીથી માનવતાનો હાથ પકડી શાંતિની શોધમાં ભટકવાનો પ્રયત્ન કરશે. રાષ્ટ્રનો મનુષ્ય પ્રતિક્રાંતિ જરુર કરશે! આ રાષ્ટ્રએ કોંગ્રેસના ભ્રષ્ટાચારની આડઅસરમાં નકારાત્મક મોદીને છેલ્લે પેદા કરેલ છે..એ ન ભૂલો કે આ પહેલાં તેણે બુદ્ધ, મહાવીર, કબીર, રૈદાસ, આંબેડકરને જન્મ આપેલો છે. હજુ રાષ્ટ્રએ પોતાના ગર્ભાશય પર કોપર-ટી નથી મુકી દીધી. રાત વીતી જાય પછી ચોક્કસ સમયે સૂર્યોદય થવો રહ્યો..દિપકોના ફડફડાવાને તમારી જીત ન સમજો મિત્ર! રાષ્ટ્ર પોતાના ગર્ભમાં અસલી નાયકને પોષણ આપી રહ્યું છે.
-વિજય મકવાણા
Facebook Post :-
No comments:
Post a Comment