ડો. આંબેડકરના વિચાર “અખિલ ભારતીય અનુસૂચિત જાતિસભા”ના ચૂંટણી ઢંઢેરાનો સારાંશ

By Jigar Shyamlan ||  04 Aug 2017 at 11:00 

બાબા સાહેબ કોઈ પણ ભોગે, કોઈ પણ પરિસ્થિતીમાં   કોન્ગ્રેસ.., હિન્દુ મહાસભા.., રાષ્ટ્રીય સ્વયં સેવક સંઘ અને માક્સઁવાદી ડાબેરી વિચારસરણીવાળા કોઈ પણ પક્ષ સાથે જોડાણ કરવા સંમત ન હતા...

ડો. આંબેડકરના મત મુજબ કોઇ પણ પક્ષનો ચૂંટણી ઢંઢેરો કેટલાક નિશ્ચિત સિધ્ધાંતો પર આધારિત હોવો જોઇયે. વધુમાં તેમાં આમ પ્રજાની સમસ્યાઓ પર પક્ષના કેવા વિચાર છે..??? એ બાબતે સ્પષ્ટ પ્રકાશ પડવો જોઇયે.  

એક પક્ષ તરીકે કેવી આચાર સંહિતા હોવી જોઇયે..? 

એ બાબત પર ડો. આંબેડકરના વિચાર “અખિલ ભારતીય અનુસૂચિત જાતિસભા”ના ચૂંટણી ઢંઢેરાનો સારાંશમાં જોઇ ચોક્કસ સમજાઇ જશે.  

1. અનુસુચિત જાતિ સંઘ એવા કોઇ પણ પક્ષ સાથે જોડાણ નહી કરે જે પક્ષ દ્વારા પોતાના સિધ્ધાંત ખુલીને સામે ન રાખ્યા હોય, અથવા જેના સિધ્ધાંત સંઘના સિધ્ધાતથી વિરૂધ્ધ હોય.
2. અનુસુચિત જાતિ સંઘ અપક્ષ ઉમેદવારોને  સમર્થન આપશે નહી. 
3. અનુસુચિત જાતિ સંઘ પછત જાતિઓ અને અનુસૂચિત જનજાતિઓ સાથે મળીને કામ કરવા માંગશે, કારણ આ જાતિઓની દશા પણ અનુસૂચિત જાતિઓ જેવી જ છે. 
4. પ્રતિક્રિયાવાદી પક્ષ જેવા કે હિન્દુ મહાસભા કે રાષ્ટ્રીય સ્વયંસેવક સંઘ સાથે કોઇ પણ જોડાણ નહી કરવામાં આવે. 
5. અનુસુચિત જાતિ સંઘ ડાબેરી વિચારસરણી ધરાવતા પક્ષો સાથે કોઇ જોડાણ નહી કરે જેઓનો ઉદ્દેશ વ્યક્તિગત સ્વતંત્રતા તેમજ લોકતંત્ર નષ્ટ કરી એની જગ્યાએ તાનાશાહી સ્થાપિત કરવા માંગે. 
6. અનુસુચિત જાતિ સંઘ પોતાની પરિપૂર્ણતા પર વિશ્વાસ નથી રાખતો અને એવા કોઇ પણ પક્ષ સાથે નહી જોડાય જે પક્ષ સ્વયંને પહેલાથી જ પરિપૂર્ણ માનતો હોય અને વિરોધી પક્ષને વિકસિત ન થવા દેતો હોય.
7. અનુસુચિત જાતિ સંઘ ઘણા રાજકીય પક્ષોને વિકસિત થવાનો વિરોધ કરે છે, જેમ કે બ્રિટિશ લેબર પાર્ટી જે એક સંઘીય પાર્ટી છે.
8. અનુસુચિત જાતિ સંઘ એવા સંઘીય દળનો ભાગ બનવા તૈયાર છે જેણે પોતાના સિધ્ધાંત સ્પષ્ટરૂપે સામે રાખ્યા હોય, કે જેના સિધ્ધાંત સંઘના સિધ્ધાંતથી વિરૂધ્ધ ન હોય. જે પણ દળ જોડાણ કરવા ઇચ્છ ધરાવતા હોય એમણે વચન આપવું પડશે કે અનુસૂચિત જાતિના સામાજિક અને આર્થિક ઉથાનના કાર્યક્રમોનું સદાય સમર્થન કરશે. આવા દળે એ વાત પર પણ સહમત થવું પડશે કે સંઘ દળનો ભાગ બની રહીને પોતાની આંતરિક સ્વતંત્રતા કાયમ રાખશે અને કોઇ પણ દશામાં કોઇ એવી પાર્‍તી સાથે સબંધ નહી રાખે જેને દળે પોતાના ભાગના સ્વરૂપમાં સ્વિકૃતિ ન આપી હોય. 
9. કોઇ પણ વ્યક્તિ જે અનુસુચિત જાતિ સંઘની સભ્યપદ પ્રાપ્ત કરવા માંગતો હોય એણે સંઘના સભ્ય બનવું પડશે અને પોતે સંઘના સિધ્ધાંતો, નિયમો, યોજનાઓ અને અનુશાસનના નિયમોને સ્વિકાર કરે છે એ હેતુના શપથપત્ર પર સહી કરવી પડશે.

આમ એક રીતે જોઇયે તો અનુસુચિત જાતિ સંઘ પોતાના સિધ્ધાંતથી વિપરીત સિધ્ધાંત ધરાવતા કોઇ પણ દળ સાથે જોડાણ કરવા રાજી ન હતો. વધુમાં અનુસુચિત જાતિ સંઘ કોન્ગ્રેસ, હિન્દુ મહાસભા, રાષ્ટ્રીય સ્વયંસેવક સંઘ તેમજ ડાબેરીઓ સાથે કોઇ જોડાણ કરવા માંગતો ન હતો.

આ બાબતો એ વાત સ્પષ્ટ કરે છે કે બાબા સાહેબ કોઈ પણ ભોગે, કોઈ પણ પરિસ્થિતીમાં   કોન્ગ્રેસ.., હિન્દુ મહાસભા.., રાષ્ટ્રીય સ્વયં સેવક સંઘ અને માક્સઁવાદી વિચારસરણીવાળા કોઈ પણ પક્ષ સાથે જોડાણ કરવા સંમત ન હતા...

- જિગર શ્યામલન

राम का सेतु भी रामायण की ही तरह काल्पनिक है

By Sanjay Patel Bauddha  24 July 2017 at 23:10

'सेतु समुद्रम' योजना के तहत 2007 में केन्द्र सरकार ने सुप्रीम कोर्ट में हलफनामा प्रस्तुत करते हुए लिखा था कि राम-रावण युद्ध हुआ ही नहीं और न ही सीता का हरण ही हुआ। राम कभी लंका भी नहीं गए। इस प्रकार रामसेतु की अवधारणा को पूरी तरह बेबुनियाद बताया है।

केन्द्र का कहना है कि इस बात का कोई वैज्ञानिक सबूत नहीं है कि साढ़े छह हजार वर्ष पहले भगवान राम ने यह पुल बनवाया था। इसी प्रकार भारतीय पुरातत्व सर्वेक्षण (एएसआई) ने भी सुप्रीम कोर्ट में हलफनामा दायर कर रामायण के चरित्रों के अस्तित्व से इनकार ‍किया है। इस प्रकार इस विभाग ने राम और रामायण पर ही प्रश्नचिन्ह लगा दिया है।

अब सवाल यह है कि जब सरकार और पुरातत्व सर्वेक्षण खुद स्वीकार कर रहे है कि राम-रावण युद्ध नहीं हुआ, राम कभी लंका नहीं गए, रामायण काल्पनिक है, राम का कोई वैज्ञानिक सबूत नही है तो फिर लोग क्यों राम के नाम पे मूर्ख बन रहे है ! क्यों राम के नाम पे इंसानों के बीच लड़ाई कर रहे है ?

विज्ञान अपनाओ, देश मे एकता बढ़ाओ।

अंधश्रद्धा भगाओ, देश बचाओ ।

બુદ્ધિઝમ : આંબેડકર V/S આર.એસ.એસ

By Rushang Borisa

🌟 બુદ્ધિઝમ : આંબેડકર V/S આર.એસ.એસ  :=

સંઘ છેલ્લા કેટલાક વર્ષોથી આમ્બેડકરપ્રેમનું પ્રદર્શન કરી રહ્યું છે.૧૯૯૦ બાદ સંઘ આંબેડકરને પચાવી લેવા સતત પ્રયત્નો કરે છે.આમ્બેડકરને લઈને તદ્દન સગવડીયો પ્રચાર કરવો,બહુધા હકીકતોને છુપાવી રાખવી , બનાવટી તથ્યો રજૂ કરવા વગેરે સંઘની બ્રાહ્મણવાદી નીતિઓનો ભાગ છે.આંબેડકર વિષે દલિત-પછાત વર્ગો કૃતજ્ઞતાની લાગણી ધરાવતા હોય ,સંઘ આંબેડકરના વિચારો-વિશ્લેષણોને પોતાના સ્વાર્થ મુજબ મરોડી તે વર્ગો સમક્ષ રજૂ કરે છે.બહુધા દલિતો આંબેડકરના જ્ઞાનથી અજ્ઞાન હોય ,સંઘ જેવી સંસ્થાઓ માટે લોકોને ગેરમાર્ગે દોરવા સરળ રહે.

અગાઉ હિન્દુત્વ (Click Here) અને લઘુમતી વિચારોને (Click Here) લઈને સંઘ અને આંબેડકર વચ્ચેના સ્પષ્ટ અને મૂળભૂત વિરોધાભાસો જણાવ્યા હતા.હવે, બુદ્ધિઝમ તરફ વધીયે...

🕉 RSS ના લોકપ્રિય "ગુરુજી" ના બુદ્ધિઝમ પ્રત્યેના વિચારો:

ગોલવાકરે શરૂઆતમાં ટીપીકલ સંઘી અંદાજમાં બુદ્ધ અને બુદ્ધિઝમના વખાણ કર્યા છે.બાદમાં અસલી ચહેરો બતાવતા બ્રાહ્મણવાદી સ્ટાઈલમાં બુદ્ધિઝમની ટીકાઓ કરી તેને "દેશદ્રોહી" સુધી નવાજી દીધા.ગોલવાકર મુજબ ઇતિહાસમાં બૌદ્ધકાળ દરમ્યાન ભ્રષ્ટાચાર વકર્યો હતો.લોકો બેદરકાર બન્યા અને વિદેશી સત્તાઓએ આક્રમણ કર્યું. બૌધ્ધો ખોટા હતા તેવા દોષારોપણ પણ કર્યા.બૌદ્ધકાળ દરમ્યાન "મહાન" ભારતીય સંસ્કૃતિ ઉપર પ્રહારો થયા; ધર્મ સૌથી દયનિય હાલતમાં હતો અને લોકોમાં સામાજિક જાગૃકતાની કમી હતી વગેરે આલોચના કરી..આખરે, બુદ્ધિઝમને ગદ્દાર સુધીની ઉપમા આપી.

ઉપરાતં,સૌથી વાહિયાત-જૂઠી-પાયાવિહોણી વાત એ કહી કે ભારતીય ઇતિહાસમાં સૌપ્રથમ ધર્મપ્રચારનું કાર્ય બૌદ્ધો એ નહિ ,પણ સનાતનીઓ કર્યું હતું!(અમે અમેરિકા સુધી પહોંચ્યા હતા.)

બુદ્ધિઝમને વખોડ્યા બાદ ગોલવાકરે આંબેડકરને પણ બાકી નહતા રાખ્યા.આડકતરી રીતે આંબેડકર વિરુદ્ધ પણ ઝેર ઓક્યું હતું.સંઘે આમ્બેડકરેને કોમવાદી કહ્યા હતા.આંબેડકરના પ્રયત્નો પ્રત્યે પણ નારાજગી દર્શાવી હતી.

☸ આંબેડકરના બુદ્ધિઝમ પ્રત્યેના વિચારો :

આંબેડકરે બુદ્ધિઝમને ભારતીય ઇતિહાસનો સુવર્ણકાળ કહ્યો છે.તેમણે વેદોને મૂલ્યહીન ગ્રંથો ગણાવ્યા અને વેદિક આર્યસંસ્કૃતિને પછાત-બર્બર દર્શાવી છે.વેદિક સંસ્કૃતિમાં રહેલ ખામીઓ ઉપર બુદ્ધે પ્રહારો કર્યા હતા અને બૌદ્ધકાળમાં સુધારાલક્ષી પગલાંઓ લેવામાં આવ્યા હતા.બૌદ્ધકાળ દરમ્યાન ધર્મ તેની શ્રેષ્ઠ કક્ષાએ ઝગમગતો હતો. બૌદ્ધકાળમાં લોકશાહી પદ્ધતિ અને નૈતિક મૂલ્યોનો વિકાસ થયો.ઇતિહાસમાં માત્ર બૌદ્ધકાળ દરમ્યાન સમાનતા,બંધુતા અને સ્વતંત્રતાના ગુણો લોકસમૂહમાં સ્થાપિત થયા.બુદ્ધે અંધશ્રદ્ધા,ડર ,સુપરનેચરલ વિચારો વગેરેનું ખંડન કર્યું અને શાંતિનો માર્ગ બતાવ્યો. આંબેડકર મુજબ ઇતિહાસમાં જે કોઈ ભવ્યતા જોવા મળે છે તેનો શ્રેય અનાર્ય પ્રજાના શાશનને ફાળે જાય છે.આંબેડકરે સાફ કહ્યું હતું કે ભારતનો ઇતિહાસ બ્રાહ્મણો અને બૌધ્ધો વચ્ચેના સંઘર્ષથી વિશેષ કઈ નથી.

આ સાથે આપણે સમજી ગયા કે સંઘ અને આંબેડકરનો મેળ કોઈ કાળે શક્ય નથી.

હિન્દુવાદીઓનો (ખાસ બ્રાહ્મણો) બુદ્ધિઝમ તરફનો અણગમો પણ સહજ છે.બુદ્ધિઝમ પહેલા તેમના પૂર્વજો આપખુદશાહી ભોગવતા હતા.બૌદ્ધકાળ દરમ્યાન સમાનતાનો સિદ્ધાંત પ્રસ્થાપિત થતા બ્રાહ્મણોના હિતો જોખમાયા હતા.જેથી બ્રાહ્મણવાદી ઇતિહાસકારોએ યેનકેન પ્રકારે બુદ્ધિઝમને નિશાનો બનાવ્યો છે.

જો કે સંઘ અંદરથી ડરી ગયું છે."ના કરે નારાયણ " ને બહુધા દલિત-પછાત વર્ગો આંબેડકરને વાંચીને સત્ય પારખી ગયા તો સંઘનું હિન્દૂ રાષ્ટ્ર "સનાતન" સ્વપ્ન જ રહ્યું.માટે સંધીઓને સલાહ કે આંબેડકરનું હડ્પવાનું બંધ કરી માત્ર હિન્દૂ રાષ્ટ્રમાં ધ્યાન કેન્દ્રિત કરે...કારણ કે તમારા વડે છેતરાયેલા દલિતો જો હકીકતો જાણી ગયા તો.....

ફોટો :

૧) "જ્ઞાતિ-વ્યવસ્થા એ સામાજિક સંયોજનનું મજબૂત જોડાણ છે."- માધવ ગોલવાકર

૨) "જ્ઞાતિ-વ્યવસ્થામાં અલગાવની ભાવના રહેલી છે; જે એક જ્ઞાતિને બીજી જ્ઞાતિથી અલગ કરવી તેને નૈતિકમૂલ્ય તરીકે સ્થાપે છે."- ભીમરાવ આંબેડકર

લઘુમતી: ભીમરાવ આંબેડકર V/S માધવ ગોલવાકર

By Rushang Borisa

🌟 લઘુમતી: ભીમરાવ આંબેડકર V/S માધવ ગોલવાકર :=

દેશમાં આઝાદી બાદ થયેલા પ્રચારથી પ્રભાવિત આજની પેઢી લઘુમતી પ્રત્યે મુખ્યત્વે ૨ પ્રકારની માનસિકતા ધરાવે છે: (૧)તેમના હિતોના સમર્થક (૨) લઘુમતીદ્રેષ. આ વિષયે "રાષ્ટ્રીયતા" ને લઈને phd લેવલે મનોમન્થન કરેલ ૨ પ્રતિભાઓના મંતવ્યો જણાવું.

🔯માધવ ગોલવાકર ( RSS ના માનીતા "ગુરુજી")ના લઘુમતી અંગેના વિચારો:-

➟ લઘુમતી નામની અલગ રાષ્ટ્રીયતા સ્વીકારવી કે જેઓ સામાન્ય નાગરિક હકો ભોગવે છે અને સાથે સાથે પોતાના ધર્મ,સંસ્કૃતિ,ભાષા વગેરેના રક્ષણ હેતુ વિશેષ જોગવાઈઓ મેળવે છે-તે સમગ્ર દેશના શાસકીય અધિકારોના પાલન માટે બાધારૂપ છે.

➟ ધર્મ આધારિત લઘુમતીની ધારણાનો ત્યાગ કરો.

➟ અમારી માટે રાષ્ટ્ર એટલે માત્ર "હિન્દૂ" રાષ્ટ્ર;બીજું કશું નહીં.

🔯આંબેડકરના લઘુમતી ઉપરના વિચારો:

➟ ભારતના લઘુમતીઓની બદનસીબી છે કે ભારતીય રાષ્ટ્રવાદે એક નવો સિદ્ધાંત વિકસાવ્યો છે ;જે દર્શાવે છે કે લઘુમતીઓ ઉપર બહુમતીએ મનફાવે તેમ શાસન કરવું તે બહુમતીનો પવિત્ર અધિકાર છે.એવું ચિત્ર ઉપસી રહ્યું છે કે લઘુમતીઓને શાસનમાં હિસ્સો આપવો કોમવાદ કહેવાય; જયારે સમગ્ર શાસનવ્યવસ્થાનું બહુમતી દ્વારા એકહથ્થુકરણ કરવું રાષ્ટ્રવાદ કહેવાય !! આવી અન્યાયી રાજકીય વિચારધારાથી પ્રેરાયેલા બહુમતીઓ લઘુમતિવર્ગોને રાજકીય અધિકારો આપવા રાજી નથી...ના કે તેમનામાં લઘુમતીઓ માટે કરવામાં આવતી જોગવાઈઓ પ્રત્યે આદર છે.

➟ ભારત જેવા દેશમાં આ બાબત સ્વીકારવી પડશે કે ભારતમાં લઘુમતી અને બહુમતી વચ્ચે સતત વિષમતાઓ રહેલી છે; જેથી બહુમતીઓ દ્વારા લઘુમતી ઉપર કોમવાદી ભેદભાવનો ખતરો મંડાયેલો છે.જે વર્તમાન સ્થિતિ દેખતા લઘુમતીઓ માટે હાનિકારક છે.એટલા માટે લઘુમતીઓ અંગે વિશેષ રાજકીય પ્રબંધ કરવો તે લેજિસ્લેટિવ અધિકાર કરતા ઘણું વધુ મહત્વ ધરાવે છે.

➟ "મેજોરીટી રૂલ્સ" ની થિયરીનું સમર્થન ના કરી શકાય ;.તેને વ્યવહારુ બનાવવી અક્ષમ્ય અપરાધ છે. બહુમતી વર્ગ કદાચ સાપેક્ષ બહુમતી(રાજકીય) મેળવી શકે ;પરંતુ તે કદાપિ સંપૂર્ણ બહુમતીનો દાવો ના કરી શકે.

➟ બહુમતીના હસ્તે ઘણા લઘુમતી વર્ગો શોષણનો ભોગ બની રહ્યા છે.માટે દેશના દરેક નાગરિકને સમાન રીતે કાયદા,નિયમો અને રેગ્યુલેશનનો લાભ મળી રહે તે માટે જરૂરી છે કે લઘુમતી વર્ગો માટે ફાળવણીઓ કરવામાં આવે.

આંબેડકરે લઘુમતી-વર્ગોના હિતો માટે ધારદાર રજૂઆતો કરી હતી.તેમના મત મુજબ લઘુમતીનું અસ્તિત્વ ધાર્મિક,સામાજિક અને સાંસ્કૃતિક પરિબળોને આધીન છે.(અહીં,પહેલો, ત્રીજો અને છેલ્લો ફકરો સામાન્ય લઘુમતીની વ્યાખ્યા સંબંધિત છે;જયારે બીજા પોઈન્ટમાં લઘુમતીના કેન્દ્રમાં વંચિત વર્ગને લીધા છે.)

માધવ ગોલવકરના લેખોમાં લઘુમતીદ્રેષ સ્પષ્ટ તરી આવે છે.લઘુમતીઓને રાજકીય રક્ષણ આપવાના તેઓ કટ્ટર વિરોધી હતા.આ મુદ્દે તેમણે અનેક દલીલો કરી છે.(વળી; ગોલવાકરે દલિતોને માત્ર ૧૦ વર્ષ સુધી વિશેષ સુવિધાઓ આપવામાં આવી હતી તેવો જૂઠી દલીલ પણ કરી છે !)

મુખ્ય મુદ્દો એ છે કે આંબેડકર અને ગોલવકર બંનેએ રાષ્ટ્રનો ખ્યાલ સમજાવેલો છે.(હું બંનેના વિચારોનું અર્થઘટન કરીશ તો પોસ્ટ ઘણી લંબાઈ જશે.)પણ ટૂંકમાં કહું તો ;રાષ્ટ્રવાદને લઈને ગોલવાકર થડ બતાવે છે; જયારે આંબેડકર મૂળિયાં સુધી પહોંચે છે.

RSS જે રીતે આંબેડકરને પચાવી પાડવાનો પ્રયાસ કરે છે....સાફ સાફ કહું -"સંઘ અને આંબેડકરની વિચારધારાનું સમન્વય પાણીમાં તેલ નાખવા બરોબર છે." આ વાત સંઘ સારી પેઠે જાણે જ છે.

{ગોલવાકરના વિધાનો "બંચ ઓફ થોટ્સ" અને "વી ઓર આર નેશનહૂડ ડીફાઈંડ" માંથી ;જયારે આંબેડકરનું લખાણ "Writings & speeches of Babasaheb :Volume -૧" માંથી લીધેલ છે.}