Showing posts with label Kirit Paramar. Show all posts
Showing posts with label Kirit Paramar. Show all posts

July 26, 2017

સામાન્ય માણસ હિન્દુ મુસલમાન નથી હોતો

By Kirit Parmar  || 22 July 2017 at 15:59 


ગઈકાલે સાંજે ઓફિસ થી આવતો હતો
વરસાદી વાતાવરણ ને લીધે બસ માં જવાના બદલે રીક્ષા માં જવાનું નક્કી કર્યુઁ
લાલ દરવાજાએ થી એક રીક્ષા માં બેઠો .કાકા ની રીક્ષા જોઈ બહુ ગમ્મત સૂઝિ મને
એમ થયુ કે કોઈ ભક્ત કે ભુવાની રીક્ષામાં બેસી ગયો છુ
અંદર ની બન્ને સાઇડ ભગવાન માતાજી ના ફોટા હતાં
પાછળ જય શ્રી રામ લખેલ હતું
કાકાએ તિલક તથા હાથ માં માલા પહેરી હતી
મને એમ કે તેઓ ચુસ્ત હિન્દુ જ હશે .

રીક્ષા થોડી આગળ ગઇ
ગાયકવાડ હવેલી આવી ત્યા એમને અચાનક રીક્ષા રોકી
મને થયુ કે રીક્ષા બગડી
પણ જ્યા રીક્ષા ઊભી રાખી ત્યા જ એક બીજી રીક્ષા ઊભી હતી
જે બંધ પડી હતી

એ રીક્ષા ચાલક જુવાન છોકરો હતો 30-35 વર્ષ હશે કદાચ

એ રીક્ષા માં બીજા
એક મુસ્લિમ વ્રુદ્ધ કપલ્ હતું

મારી રીક્ષાવાલા કાકાએ પેલા યુવાનને કહ્યું #તુમ_બેઠ_જાઓ_મે_પિછે_સે_ધક્કા_દેતાં_હુ

અને રિક્ષા ચાલુ કરી ને એ જુવાનની રીક્ષા ને જમાલપુર દરવાજા સુધી લઈ ગયા !

પછી પેલા યુવાને #થેઁક્સ_ચાચા કહ્યું ને બદલામાં આ કાકાએ ખાલી સ્માઇલ જ આપી !

પછી આગળ જતાં મે પુછ્યુ

#કાકા તમારા મિત્ર હતા એ ભાઇ !

#ના :એમને કહ્યું

તો પણ તમે ઓટો ઊભી રાખી ને મદદ કરી ખૂબ સરસ કહેવાય

#હા કરવી જ પડે ને ! એક તો ધંધા ની રીતે જોવા જઇએ તો અમારી બીરાદરી નો થાય !ભાઇ થાય !

બીજું આ ચોમાસા ના વાતાવરણમાં કોઈ ની પણ ઓટો બગડે તો અમે ઓટો વાલા એક બીજાને મદદ કરીએ જ .અમારી એક જ પહેચાન ઓટોવાલા

અને ત્રીજુ એ ઓટો માં બે ઉંમરલાયક માણસ હતાં .એની ઓટો બગડી છતા એ બંને ને ઊતરી બીજી રીક્ષા લઈ લેવાનું ન કહ્યું ને વરસાદ માં એમને અંદર જ બેસાડી રાખ્યા .એટલે મને સમજાઇ ગયું કે એ છોકરો દયાભાવ ધરાવે છે .તો મારે પણ થોડી માનવતા બતાવવી પડે કે નહી? એમાં ધર્મ જાતિ એવું વધુ ન જોવાય .બધાય સરખા જ છે !

#બધાય સરખા જ છે એ વાત હ્રદય ને સ્પર્શી ગઇ

આટલી સરળ વાત સમજવામાં મોટા મોટાં ગ્રંથો ના જાનકારો,કોલેજો કરેલ ,phd કરેલ ,લોકો  નિષ્ફળ  નિવડ્યા છે !

મારો વિસ્તાર આવતાં હુ ઊતરી ગયો

મે ભાડું આપીને થેઁક યુ કહ્યું

જવાબ માં એમણે #જય_શ્રી_રામ કહ્યુ
મે પણ હસીને જય શ્રી રામ કહ્યું !
- Kiritkumar Manjulaben Vitthalbhai









ભારતીય સંવિધાન અને મહિલાઓ

By Kirit Parmar  || 25 July 2017 at 21:00


અમે અમસ્તા  જ સંવિધાન ના ગુણગાન નથી ગાતા
જાતિવાદ
મનુવાદ
અને લિંગભેદ થી ગ્રસિત આ દેશ માં મહિલાઓ ની પરિસ્થિત કયારેય સારી ન હતી
આઝાદી પછી પણ સારી ન જ હોત જો આંબેડકર નૂ બંધારણ અસ્તિત્વ માં ન હોત .
અહીં મર્દ હોવાનો ખોટો ગર્વ લેવામાં આવી રહ્યો છે.

મહિલાઓ છોકરા પેદા કરવાં ,ચૂલો કરવો ,કુટુંબ ને સાચવવુ જેવાં અનેક કામો ના હાસિયા માથી બહાર નીકળી ને વિવધ ક્ષેત્રો માં  સફળતા શિખરો સર કરી રહી છે તે પણ ઘણા પુરુષવાદી દંભી માનસિકતા ધરાવતાં લોકો જોઈ શકતા નહી હોય .

આવાં નર્યા ભેદભાવ વખતે ભારતનું સંવિધાન જ એમનાં માનવીય હકો નૂ રક્ષણ કરી રહ્યું છે .માનવ હોવાનું ગર્વ અપાવી રહ્યું છે .પુરુષ સમોવડિ થવાની તક આપી રહ્યું છે .લિંગ ના ભેદ ને કારણે એમની સાથે કોઈ ભેદભાવ નહી થાય એની ખાતરી આપી રહ્યું છે .ફક્ત જરૂર છે પોતાના એ હકો ને જાણવાની અને એનાં માટે લડવાનિ.

એક પુરુષ કોઈ ક્ષેત્રમાં સફળ થાય તો એનાં માટે બધી શક્યતાઓ ના દરવાજા ખુલી જાય છે અને મહિલાઓ માટે આવી કોઈ યોજના નથી એવું માત્ર આપણા આ મહાન દેશમાં જ થઈ શકે !

મહિલાઓ ના વિકાસમાં સંવિધાન જેટલો મહત્વનો ભાગ કોઈ ભજવી શકે એમ નથી .પણ આ મહિલાઓ ના સંઘર્ષ માં મદદ કરનાર માતા પિતા ભાઇ બહેન કે પતિ કે કોઈ પણ જે સમાજ ની રૂઢિ ની અવગણના કર્યા વિના stand by રહેનારા દરેક જણ અભિનંદન ને પાત્ર છે .
બસ મહિલાઓ ભારતીય બંધારણે આપેલ હકો નૂ મહત્વ સમજી બંધારણને બિરદાવવૂ રહ્યું .જ્યા સુધી આંબેડકર નૂ સંવિધાન અસ્તિત્વમાં છે ત્યાં સુધી મહિલાઓ ,શોષિતો ,પીડિતો ના હકો પર કોઈ તરાપ નહી મારી શકે એની મને ખાતરી છે

જય ભીમ

જય સંવિધાન

કિરીટ પરમાર







May 05, 2017

ચોક્કસ ફ્રેમમા બાંધેલી રાષ્ટ્રવાદ ની વ્યાખ્યા પર ફેરવિચાર કરવા ની જરુર છે : કિરીટ પરમાર


  • નિર્ધારિત સમય કરતા ઓફીસે મોડા આવવું.
  • નિર્ધારિત સમય કરતા વહેલા જતા રહેવું.
  • સોપવામા આવેલ કામ ન કરવું,ટાળવું 
  • પાન પિચકારી ખાઇ ને જાહેર રસ્તાઓ ઇમારતો,સોસાયટીઓ ,ને ગંદી કરવી
  • ટ્રાફિક ના નિયમોનુ ઉલ્લઘન કરવું
  • મા. બહેન,પત્નિ.દિકરી કે કોઇ પણ સાથે લિંગ આધારિત ભેદભાવ રાખવો
  • છુપો જાતિવાદ રાખવો
  • ઘર કે ઓફીસમાં ન કામ હોવા છતા પણ વિધ્યુત ઉપકરણો ચાલુ રાખીને વિજળીનો દુર્વ્યય કરવો
  •  ઘર કે ઓફીસમાં કે અન્ય સ્ય્થળોએ પાણીનો વ્યય કરવો
  • અંધશ્રદ્ધા ને પ્રોત્સાહન આપવું

આ બધી બાબતોને પણ હુ ભ્રષ્ટાચાર/રાષ્ટ્રવિરોધી કૃત્ય જ ગણુ છુ .કારણકે આનાથી પણ રાજ્ય/દેશ ને નુકશાન થાય છે .સંવિધાનની મુળભુત ફરજો/અધિકારોનું ઉલ્લંઘન થાય છે 
આ સિવાય બિજા એવા ઘણીય બાબતો છે /હશે જે મારા ધ્યાન બહાર રહી ગઇ હશે .
રાષ્ટ્રવાદ /રાષ્ટ્ર-વિરોધી ની વ્યાખ્યા ખુબ વિશાળ હોઇ શકે છે અને આપણે એક ચોક્કસ ફ્રેમમા બાંધેલી વ્યાખ્યાઓ/હકીકતો ને વળગી રહ્યાં છીએ.!!!!!!!!!!
કિરીટ પરમાર
૦૫/૦૫/૨૦૧૭




May 01, 2017

"કટ્ટપા ને બાહુબલી કો કયું મારાં" ને છોડો આ પ્રશ્નો ના જવાબ શોધો : કિરીટ પરમાર

કટ્ટપા ને બાહુબલી કો કયું મારાં ?
આ કોઈ સામાજિક કે દેશની આર્થિક સમસ્યા ને.લગતો પ્રશ્ન હતો જ નહી છતા એની ચર્ચા જોર પર હતી પણ આખરે એનો પણ જવાબ મલી ગયો દેશ ને.!

હવે કેટલાંક એવા પ્રશ્નો જેનો જવાબ કદાચ ક્યારેય નહી મલે

1) આ દેશમાં સફાઈકર્મચારી ને સન્માનજનક જીવનધોરણ ક્યારે મળશે

2)ગટરમાં ઉતરવાથી એક જ જ્ઞાતિ નાં લોકો નું મોત થાય છે !આ એક જાતનો લાદી દેવામાં આવેલ આતંકવાદ /જાતિવાદ જ છે.આનાથી દેશને છૂટકારો ક્યારે મળશ
ે 
3) વારંવાર આડોડાઇ કરીને દેશનાં સૈનિકો નાં માથા સુધી કાપી લઈ જનાર પાકિસ્તાન ને જડબાતોડ જવાબ (ઓન.પેપર નહી ,ટ્વીટ કરીને નહી કે કડી નિંદા નહી )અપાશે.?

4) અરુણાચલ નાં ભૌગોલિક વિસ્તારો ને પોતના નકશામાં દર્શાવી ને ,તેમનાં નામકરણ કરનાર ચીન ને ક્યારે જવાબ અપાશે (paytm ની જેમ જવાબ આપેલ તેમ નહી )

5)અખંડ ભારતની કલ્પના નાં ટુકડા કરતા તમામ જાતિવાદી સંગઠનો ને ક્યારે પ્રતિબંધિત કરાશે ?

6) દેશમાં સંપૂર્ણપણે બંધારણ નો અમલ ક્યારે થશે !(માત્ર બંધારણ દિવસ ઉજવવા થી કઈ ફર્ક નથી પડવાનો )

7)કાશ્મિર પાછળ થતાં કરોડો નાં ખર્ચા નો અંત ક્યારે ?કાશ્મીર ની સમસ્યાનો ઉકેલ ક્યારે ?

8)મહિલાઓ પર થતાં જાતીય હુમલાઓ માં પૈસાની જોરે ,પોલિટિકલ જોરે બહુ ઓછા પ્રમાણ માં ન્યાય મલે છે !આવી પરિસ્થિતિ નો ઉકેલ ક્યારે ?

અને આ સિવાય બીજાં ઘણાં પ્રશ્નો છે દેશમાં જેનો જવાબ દરેક નાગરીક મેળવવા માંગે છે જેનો ઉકેલ બહુ જરૂરી છે 
પણ આ દેશમાં રહેલાં કટ્ટપાઓ તેનો ઉકેલ ક્યારેય નહી આપી શકે !
કોઈને જવાબો મલે તો જણાવવા વિનંતી !

-કિરીટ પરમાર

મજુરો માટે અસરકારક કાયદાઓ લાવનાર ડો.આબેડકર હતાં : કિરીટ પરમાર

વિશ્વ મજૂર દિવસ
આ દિવસ નો ખ્યાલ માત્ર સમાજના બહુ થોડા સમુદાય પુરતો જ છે. ગઇકાલે અને આજે સવારે મજુરી (મોટા ભાગના કન્સટ્રશન સાઇટના) કરતા ઘણાય લોકોને મે પુછ્યુ :મજુરદિવસની કઇખબર છે ?તો તેઓમાથી કોઇ ને પણ ખબર ન હતી કે મજૂર દિવસશુ છે .હવે જેને મજૂર દિવસની જ ખબર નહોય એને પોતાના મુળભુત અધિકારો ની ખબર જ ક્યાથી હોય ,?મે ઘણાય સાથે વાતો કરી તો જાણવામળ્યુ કે તેઓને પોતાનામુળભુત અધિકારો વિષે કઇ પણખબર નથી .અમારા ઘરના રીનોકવેશન વખતે ચાર –છ મહિના આ મજુરોના સંપર્ક્મા કહ્યા પછી એમના વિષે વધુ જાણવા મળેલ.
આમ તો મજુરી ના સંપર્ક્મા તો ઘણાય સમય પહેલા જ આવી ગયેલા.પપ્પા મિલામજુર હતા.રીટાર્ડ થયા પછી રૂ.૫૦-૭૦ રોજ ઉપર કેટલીય ફેકટરીઓમા કામ કરેલ.અમે એમનીએ કાળી મજુરીના સાક્ષી રહ્યા છીએ.મોટેભાગે મસટર મા જે પગાર મળતો હોય તેના કરતા ઘણોય ઓછો પગાર મળતો પાપાને.પણ એમના સિવાય બીજા પાંચ જીવો ના પેટ ભરવાનાં હોવાથી તેઓ સ્વિકારી લેતા,મહંદઅંશે બધે આવુ જ બને છે .વળી એના સિવાય પાપાને કડિયાકામ ની સારી આવડત હોવાથી તેઓ એ કામ પણ રજા કે ઘરે આવ્યા પછી કરવા જતા.એમને એ કામ કરીને આવે પછી મને પાપા ને જોવા પણ ન ગમતા કેમકે એ વખતે પાપા ની હાલત ખુબ જ દયનીય બની રહેતી.ક્યાંક ને ક્યાક વાગ્યુજ હોય,હાથે-પગે પાટો હોય જ પણ આ બધુ દર્દ એમણે વધારાની આવક માટે જ કરતા હતા .કેટલીક વખત જાહેર રજાઓ કે તહેવારો વખતે અમે ઇચ્ચતા કે પાપા અમારી જોડે હોય પણ મોટેભાગે એમા નબનતુ કેમકે તે દિવસોમાં પણ ફેક્ટરી ચાલુ રહેતી.ક્યારેક ફેકટરી ઉપરાંત સાઇડમાં બીજી કોઇ મજુરીનુ કામ પણ શોધીલેતા.આરામ બહુ ઓછો મળતો પાપા ને.એટલે ટુંક્મા મજુરી કોને કહેવાય ?એનું મહત્વ સમજવા માટે માટે પુસ્તકો કે સાહિત્ય કરતા આવા વર્ગ ના લોકોના સમ્પર્કમા આવવૂ પડે.



સહુથી ખરાબ હાલત મજુરોની ત્યારે થાય છે જ્યારે એમા જાતિવાદ ભળી જાય .એનો અનુભવ ગામડે રહેલા ખેતમજુરોને વિષેશ થાય છે, જેને Bonded Labour પણ કહી શકાય.આજે પણ ઉચ્ચ-વર્ણ ના ખેતરમા કામ કરતા મજુરોની પરિસ્થિતિ સારી નથી.મોટાભાગના મજુરો અભણ હોવાથી તેમનૂ શોષણ ખુબ સરળ્તાથી અને ખુબ મોટાપ્રમાણ મા થાય છે.એમા પણ સ્ત્રી મજુરોનૂ શોષણ ચરમસીમા એ હોય છે.ઘણી સાઇટોપર ગર્ભવતી મહિલાઓને ખુબ હાર્ડવર્ક કરતા જોયેલ છે .ઇંટો-માટી-ના તગારા ઉંચકવા જેવી મજુરી ગર્ભાવસ્થા ના દિવસોમાં થાય છે. રેપ કેસો સૌથી વધુ વર્કિંગ સાઇટ પર જ થાય છે પણ રોજગારી છીનવાઇ જવાની બીકે ફરિયાદ થતી નથી .સરકારે ઘણા કાયદા બનાવ્યા છે મજુરોનુ શોષણ અટકાવવાના પણ એ માત્ર કાગળ પર જ સફળતા પામે છે વાસ્તવિકતા ખુબ જ વિક્રુત છે .અને હજી વધુ વિકરાળ થવાની સંભાવના છે .આ દેશના ઇતિહાસ પર નજર કરીએ તો મજુરો માટે અસરકારક કાયદાઓ લાવનાર ડો.આબેડકર હતાં પણ એમનાં દ્વારા બનાવેલ કોઇ પણ કાયદાનો ફાયદો મજૂર વર્ગ સુધી પહોંચી શક્યો નથી.આશા રાખીએકે “મજુરો માટે આવનાર ભવિષ્ય ઉજ્જ્વળ હશે 

- કિરીટ પરમાર