Showing posts with label Tarun Chandrikaben Baldevbhai. Show all posts
Showing posts with label Tarun Chandrikaben Baldevbhai. Show all posts

February 26, 2018

ભાનુભાઈ અને નાગરિક અધિકાર આંદોલન

By Dr Tarun Chandrikaben Baldevbhai || 26 February 2018



ગઈ તારીખ ૧૬ ફેબ્રુઆરી ની મોડી રાત્રે અમદાવાદ એપોલો હોસ્પિટલથી આવેલ એ હ્યદયદ્ભાવક દુઃખદ સમાચાર કે  નાગરિક અધિકાર ની લડાઈ માં આપણા પ્રેરણામૂર્તિ ભાનુભાઈ હવે આપણી વચ્ચે નથી રહ્યા.

           ભાનુભાઈનું નામ અમર થાય, ભાનુભાઈની આ લોકાધિકારમાટે જાત હોમી નાખતી ખામીરવંતી શહાદત ની નોંધ મોટા પાયે લેવાય , તેમની શહીદી એળે ન જાય, અને સર્વ સમાજ ના લોકો તેમની મૃત્યુ નો સરકાર સામે ગુસ્સો બતાવે, એક નિઃસ્વાર્થ સમાજસેવક ની તંત્ર દ્વારા કરવામાં આવેલ નિર્મમ હત્યાનો વિરોધ જતાવે તેના માટે વ્યવસ્થિત આયોજન થાકી એક એવો મુદ્દો ઉજાગર કરવો જોઈએ કે ભાનુભાઈ ની શહાદત તે નાગરિક અધિકારપત્ર માટેની એક મોટી સામાજિક ચળવળ નો પાયો બની જાય.
    
           માંડીને વાત કરું તો આપણને સૌને ખબર છે કે સરકારી કચેરીમાં કામ કઢાવવા માટે કેટલાય ધક્કા ખાવા પડે છે, લાંચ આપવી પડે છે. પાટણ ના સમી તાલુકાના દૂદખા ગામના નાગરિકોને સરકાર દ્વારા ફળવાયેેેલ જમીન ના માલીકીકરણની વરસો જૂની માંગણી હતી. આ સભ્યોએ સરકાર દ્વારા નિયત કરાયેલ નાંણા ભયાઁ હતા તેમ છતાં આ મુદ્દે સરકારી તંત્ર પોતાના સ્વભાવ અને આદત મુજબ ખો આપી રહ્યું હતું.સરકારી કચેરીમાં કામ કઢાવવા માટે દરેક માણસ ચાહે કોઈ સમાજનો હોય કેટલાય ધક્કા ખાવા પડે છે. જુદા જુદા ટેબલો પર કેટલીય લાંચ આપવી પડે છે. ભાનુભાઈનું આત્મદાહ નું પગલું એક ગંભીર ઘટના છે, જે  કોઈ એક જ્ઞાતિ ,સમાજ ,ગામ , શહેર કે જિલ્લા પૂરતી સીમિત ના હોઈ શકે.  ભાનુભાઈ ની લડાઈ એ ફક્ત કોઈ દલિત માત્ર કે ગરીબ માત્ર ને જમીન નો ટુકડો અપાવવા માટેની હતી તેવું મૂલ્યાંકન સાવ કાચું કહી શકાય. ભાનુભાઈનો સંઘર્ષ તે સરકારી કચેરી ઓમાં શોભાના ગાંઠીયાની પેઠે ગોઠવેલા નાગરિક અધિકાર પત્રો સામેની લડાઈ તરીકે પણ ઓછો ન આંકવો જોઈયે.

        તમારા વિસ્તારમાં સર્વ-સમાજના લોકો નાગરિકઅધિકારપત્ર ના અમલીકરણ માટે પ્રયત્નશીલ થાય એના માટે આપણે વાત વહેતી મૂકી શકીયે..અધિકારીઓએ નાગરિકોના કામ કેટલા દિવસમાં કરી આપવા તેની સમય મર્યાદા જણાવતા બોર્ડ દરેક સરકારી કચેરી માં લાગે અને તે સમય મર્યાદામાં લોકોનું કામ થાય તેવું નિશ્ચિત થાય, અને જો સમયમર્યાદામાં કામ થાય નહિ તો જે તે અધિકારી ને દંડ થાય તેવા પ્રાવધાન માટે માંગણી કરીયે અને તે મુજબ ના કાર્યક્રમો સર્વસમાજ ને સાથે લઈને કરીયે, સિટીઝન્સ ચાર્ટર ની માંગણી સાથે કલેક્ટર કચેરીના ઘેરાવ નો, આવેદન નો કાર્યક્રમ કરી શકાય અને ભાનુભાઈનું બલિદાન તેના પાયામાં રહે.

....એક સુચન...
શ્રધ્ધાંજલી

ડો.તરૂણ
(સ્ત્રીરોગ નિષ્ણાત, અમદાવાદ)

February 16, 2018

લોકશાહીની અધોગતિ


By Dr Tarun Chandrikaben Baldevbhai || 16 February 2018

માણસાઈના ધજાગરા
લોકશાહીના ધજાગરા
સરકારીતંત્રના ધજાગરા

એક વ્યક્તિને તેને કાગળ પર ફળવાયેલી જમીન ના અધિકાર માટે રજૂઆત કરવા માટે સરકારી અમલદાર ને મળવું છે, અને તેના માટે પ્રજાના સેવક સાહેબજી સમય આપતા નથી અને પોતાની ન્યાયિક માંગણી ની રાજુઆતને આમ તંત્ર દ્વારા વારંવાર આવગણાતા ભાનુભાઈ આત્મવિલોપન ની ચીમકી સાથે અગાઉથી જાહેરાત કરી રજૂઆત કરવા કલેક્ટર કચેરી જાય છે, સરકારે આ વ્યક્તિ આત્મદાહ કરે તો તેના માટે ફાયરબ્રિગેડ , એમ્બ્યુલન્સ ,પોલીસ વગેરે વ્યવસ્થા કરી રાખી છે. પણ તેની રજૂઆત માટે મળવાની વ્યવસ્થા નથી થઇ શકતી. માણસ કચેરી માં ઘુસી ના જાય, એના માટે પોલીસ-વ્યવસ્થા કરવાનો સમય છે, પણ સરકાર તેની પ્રજાના પ્રશ્નો સાંભળવા સમય ફાળવી શકતી નથી.

આટલી અસંવેદનશીલતા ! લોકશાહીની અધોગતિ.

ભાનુભાઈ ૯૬% દાઝેલા છે, આંતરિક અવયવો ને ગંભીર નુકશાન થયેલ છે, અને કૃત્રિમ શ્વાસોશ્વાસ ના વેન્ટિલેટર મશીન પર છે.

September 08, 2017

ગૌરી લંકેશ હત્યા : વાણી સ્વાતંત્ર્ય જોખમમાં


सर कलम होंगे अब यहाँ उनके,
जिनके मुँह में ज़ुबान बाकी है.


                બેંગલોરમાં એક વરિષ્ઠ પત્રકાર અને કાર્યકર્તા ગૌરી લંકેશની હત્યા કરવામાં આવી..બેંગલોર પોલીસ કમિશનર ટી સુનીલ કુમારે જણાવ્યું હતું કે, "કુલ સાત ગોળીઓ તેમના પર છોડાઈ હતી, જેમાં ચાર લક્ષ્ય ચૂકી ગયા હતા અને ઘરની દીવાલ તોડી હતી, ત્રણ બુલેટ્સે તેમની છાતીમાં બે અને એક કપાળમાં વાગી હતી...
                ન્યુઝલોન્ડ્રી સમાચાર સાથેની એક મુલાકાતમાં, લંકાશે કહ્યું હતું કે  "દુર્ભાગ્યે, આજે માનવ અધિકારોના સમર્થનમાં અને નકલી એન્કાઉન્ટર સામે આવાજ ઉપાડનાર કોઈ પણ વ્યક્તિને માઓવાદી સમર્થક તરીકે ઓળખવામાં આવે છે."
તેમણે કહેલું કે "હિન્દુત્વની રાજનીતિ અને હિન્દુધર્મના અભિન્નન અંગ એવા જ્ઞાતિવાદ અંગેની મારા દ્વારા થયેલી ટીકા ના કારણે મારા ટીકાકારો મને "હિન્દુદ્વેષી" તરીકે વર્ણવે છે. પણ હું જાતિવાદ ના ભેદભાવ ની અસલિયત ઉજાગર ચાલુ રાખવું મારી બંધારણીય ફરજ ગણું છું" .   . . તેઓ કન્નડ પત્રકારત્વની નવી બ્રાન્ડ લાવ્યા હતા, તેણીએ 'ગૌરી લંકેશ પત્રિકા' નામની કન્નડ સાપ્તાહિક ચલાવી હતી. તેમના પિતાની જેમ, જે જાણીતા કન્નડ લેખક હતા.. તે એવા એક જૂથનો હિસ્સો હતો જે કોમી સંવાદિતા માટે કામ કરે છે. તેના મંતવ્યોને ડાબેરી અને હિન્દુ વિરોધી ગણવામાં આવતા.

          ભારતમાં માનવઅધિકાર કાર્યકર્તાઓ, સરકાર સામે અવાજ ઊઠાવનારઓ , સત્ય ને ઉજાગર કારનાર પત્રકારો અને સ્વતંત્ર સંપાદકો ની હત્યાનો જે દોર ચાલી રહ્યો છે તેમાં ગૌરી લંકેશ તાજેતરમાં ભોગ બન્યા...  બસ્તર, છત્તીસગઢમાં માનવ અધિકારના ઉલ્લંઘનની જાણ કરવાનો પ્રયત્ન કરનાર માલિની સુબ્રમણ્યમને ધમકીઓ, ધાકધમકીનો સામનો કરવો પડ્યો હતો.. યુપીના શાહજહાંપુરમાં જગેન્દ્રસિંહજીવતા સળગાવી દેવાયા હતા. ગયા વર્ષે સિવાન, બિહારમાં હિંદુસ્તાન ટાઇમ્સના રાજદેવ રંજનની હત્યા કરવામાં આવી હતી.
         લંકશે હિંદુત્વવાદી આતંકવાદની રાજનીતિ વિરુદ્ધ બોલવા માટે એમ એમ.કલબર્ગી, નરેન્દ્ર ડાબોલકર અને ગોવિંદ પંસારે ની થયેલ હત્યા પછી, ભારતમાં નિર્ભીક પત્રકારત્વ કરવાના જોખમોને પણ વાચાળ કર્યા હતા.
હમણાં ફેસબુક પર એક મિત્ર રૂશાંગ બોરીશા એ સવાલ કરેલો કે "પત્રકાર ગૌરી લંકેશની હત્યા થી ભવિષ્યનું શું ચિત્ર ઉપજી શકે? હું વિચારવાનું શરૂ કરું છું ત્યારે કેમ જાણે વિચારતા જ અટકી જાવ છું... પણ બીજા કોઈ વિચારવા/વિશ્લેષણ કરવા સક્ષમ હોય તો જણાવે.કારણ કે બની શકે કે ધીમે ધીમે આમ્બેડકરવાદીઓ ઉપર પણ આવી જાય આ લોકો." 
બંધારણીય હકો-મૂલ્યો ખરેખર ખતરામાં આવી રહ્યા છે કે માત્ર મર્યાદિત હેતુ પૂરતું જ હશે?"

આપણી આજુબાજુમાં આવા કોઈ કર્મશીલો ને આવી કોઈ ધામધમકી કે કનડગત થાય તો આપણે કાયદાકીય શું કરી શકીયે અને એકમેક ને કેવી રીતે મદદરૂપ થઇ શકીયે તે વિચારવાનો સમય હવે પાકી ગયો છે.. આપણી પાસે નીડર વક્તાઓ અને કર્મશીલો બહુ ઝાઝા નાથી.... એકપણ ની ખુવારી આપણ ને સેહજપણ પોસાય તેમ નથી.  








August 15, 2017

માનસિક સ્વતંત્રતા એજ ખરી આઝાદી



આપણે ૭૧ મો સ્વતંત્રતા દિવસ ઉજવી રહ્યા છીયે, આઝાદીપર્વ ની સર્વ ને શુભેચ્છા, આઝાદી ઝિંદાબાદ..
પણ એક વિચાર એવો આવે કે શું આપણે સાચેજ સ્વતંત્ર છીયે???
આઝાદી દરેક ના મત મુજબ અલગ હોઈ શકે, આપનાં માટે આઝાદી નો આયામ શું છે???

શું અંગ્રેજોના અધિપત્યમાંથી મુક્ત થવું એટલે આઝાદી???
શું ભૂખમરા માંથી મુક્તિ એટલે આઝાદી???
શું ધનવાન થઇ જાવું અને મુક્તમને પૈસા વાપરવાની અને અઢળક ખરીદી કરવાની છૂટ એટલે આઝાદી???
શું દેશ-દુનિયામાં સરહદોનાં અવરોધ વગર,કોઈ પાસપોર્ટ-વિઝા વગર આખીયે દુનિયામાં રખડવું-ફરવું એટલે આઝાદી....
શું માસિકસ્ત્રાવ માંથી છુટકારો અને દર મહિને સેનિટરી પેડ લગાવવામાંથી છુટકારો એટલે આઝાદી???
શું સવારે વહેલા ઉઠવામાંથી મુક્તિ અને પોતાની મરજી મુજબ મોડા સુધી સુતા રહેવાની છૂટ એટલે આઝાદી???
શું પપ્પા-મમ્મી નો બોધપાઠ, ઠપકો ,મેથીપાક કે રોકટોક માંથી છૂટછાટ એટલે આઝાદી???
શું નિશાળમાંથી ગૃહકાર્ય કરવામાં મુક્તિ મળે કે શાળા માં રજા/વેકેશન હોય એટલે આઝાદી???
શું કોલેજમાં બંક મારીની મિત્રો/બહેનપણીઓ સાથે ફરવા કે મુવી જોવા જવું એટલે આઝાદી???
શું કોઈ જાગીર હાથ લાગે અને રોજેરોજ નોકરી જવાની પળોજણ માંથી મુક્તિ એટલે આઝાદી???
આઝાદી માટેનો આપનો આયામ શું છે???
મારા માટે આઝાદી એટલે ધર્માંધતા, રૂઢિગત માન્યતાઓ, કુપ્રણાલીઓ, લિંગગત-જાતિગત-ધર્મગત-ભેદભાવયુક્ત માનસિકતા, અતાર્કિક પૂર્વધારણા,  ગુસ્સો ,દ્વેષભાવ, અને અંગત સ્વાર્થ થી પરે રહીને કોઈપણ બાબત ને સાંભળવાની ,સમજવાની આવડત-સમજણ ,શક્તિ અને પરવાનગી....
મારા માટે આઝાદી એટલે કોઈ વ્યક્તિ ,સંસ્થાઓ, સમાચાર માધ્યમો, કે અન્ય કોઈપણના કહયા માં આવ્યા વગર ,સાચું શું છે-અને સારું શું છે તે મારા જાતે વિચારવાની આવડત અમે મુક્તમન ની આદર્શ પરિસ્થિતી...
આઝાદી એટલે કોઇની પણ રોકટોક વગર, ડર વગર હું મારા વિચારો રજૂ કરી શકું....
આઝાદી મળતાં જ માણસનાં મગજ માં હકારાત્મક તરંગો(Positive waves/vibrations) પેદા થાય છે, આઝાદીની મોકળાશ માં જ ચિત્રકાર કેનવાસ પર પોતાની કળા ને છૂટી મૂકીને અદભુત ચિત્ર રચી શકે અને સાહિત્યકાર બેનમૂન સાહિત્ય સર્જી શકે.(If not under the influence of anything.)

મહાન વિચારક અને તત્વચિંતક ડો.ભીમરાવ આંબેડકર સાહેબે ખુબજ ગહન અર્થમાં સાચુજ કહ્યું છે કે . . .
"વૈચારિક સ્વતંત્રતા વાસ્તવિક સ્વતંત્રતા છે.જે વ્યકિત સાંકળો માં બંધાયેલો નથી છતાં પણ તે માનસિક રીતે ગુલામ છે તો તે ખરા  અર્થમાં ગુલામ છે, મુક્ત માણસ નથી.જેનું મન મુક્ત નથી, તે જેલમાં ન હોવા છતાં તે કેદી છે અને મુક્ત માણસ નથી.જે વૈચારિક રીતે મુક્ત નથી, તે જીવંત હોવા છતાં મૃત જેવાજ છે.વૈચારિક સ્વતંત્રતા આપણા અસ્તિત્વનો પુરાવો છે. "



August 14, 2017

આજે શીતળા સાતમ ના દિવસે શીતળા થી બચાવનાર ડૉ.એડવર્ડ જેનર ને યાદ કરીયે.




              સાતમી સદીમાં જાપાન માં ત્રીજા ભાગની વસ્તી શીતળા ના લીધે મૃત્યુ પામી હતી, 8 મી સદીથી માંડી 16 મી સદી સુઘી તે યુરોપ, ભારત ,ચીન માં વ્યાપ્ત હતો,અને ૧૮મી સદીના અંત સુધીમાં શીતળા તે વિશ્વ ના લગભગ તમામ ભાગમાં ફેલાયેલ હતો અને કેવો કાળો કેર વર્તાવ્યો હતો તે સમયે યુરોપમાં દર વર્ષે લગભગ છ કરોડ લોકો શીતળાના રોગના કારણે અવસાન પામતા અને 20 મી સદીમાં અંદાજિત 300 થી 500 મિલિયન લોકો શીતળા થી મૃત્યુ પામ્યા હોવાનું અનુમાન છે. જે બાળકો ને આ રોગ લાગુ પડતો તેમાથી 80% -90% મૃત્યુ પામતા.. અને બાકીના તે કોર્નિયલ અલ્સરેશન અને કોર્નિયલ સ્કારીંગથી અંધાપા નો ભોગ બનતા, હોસ્ટેઓમાંયેલાઇટીસ અને આરથાઇટિસ થકી પગ ની ખોડખાપણ નો ભોગ બનતા.

         આજે સમગ્ર વિશ્વમાં શીતળા રોગ નાબૂદ થઇ ચૂક્યો છે. તેનો  શ્રેય ડૉ.એડવર્ડ જેનર નામના તબીબને ફાળે જાય છે. આ તબીબે શીતળાની રસી મુકવાનો સિધ્ધાંત ઈ.સ. ૧૭૯૬માંશોધી કાઢ્યો હતો.  તેમનો જન્મ તા. ૧૭/૫/૧૭૪૯ના રોજ ઈંગ્લેન્ડમાં  હતો.   ઈ.સ.૧૭૭૦માં તેઓ લંડન ગયા. અને ત્યાં ડૉ. જ્હોન હંટરના તેઓ શિષ્ય બન્યા. તેમણે પ્રાણીઓની વિગતો ભેગી કરવાની અને એનું સંકલન કરવાનું હતું. આ પ્રવૃત્તિ દરમ્યાન જાણવા મળ્યું કે ગાયના બળિયામાં બે રોગનું મિશ્રણ છે. જેમાં માત્ર એક રોગના જીવાણું બળિયાના રોગ અટકાવવા માટે ખૂબ ઉપયોગમાં આવે તેમ છે. આ ઉપરથી તેમણે ગાયના બળિયાની રસી જો માનવીના શરીરમાં દાખલ કરવામાં આવે તો માનવી શીતળાના રોગથી બચી જાય છે. તેમણે જેમ્સ ફિપ્સ નામના આઠ વર્ષના બાળકના શરીરમાં આ COWPOX થી ગ્રસિત જાનવર ની ફિડકલીઓમાંથી મેળવેલ પરુદ્રવ્ય દાખલ કર્યું. આથી એ બાળકને જીવનભર શીતળા નીકળ્યા નહિ. ત્યારપછી શીતળા રસીનો તેમણે ખૂબ પ્રચાર કર્યો.  આજે આપણે જાત જાતના રોગોની રસીઓ બજારમાં ઉપલબ્ધ છે. કોલેરા, પ્લેગ, ડીપ્થેરીયા અને પોલીયો જેવા રોગો હવે રસી વડે કાબૂમાં આવી શક્યા છે. આ બધી રસીઓમાં મૂળમાં રહેલો સિધાંત શોધી કાઢનાર ડૉ.એડવર્ડ જેનર હતા. તેમને રોકપ્રતિકારકશાસ્ત્ર ના પિતા (Father of Immunology) તરીકે પણ ઓળખવામાં આવે છે. તેમના વિરુદ્ધ બ્રિટનના પાદરીઓ અને જુનવાણી તબીબોએ વિરોધનો વંટોળ ઉભો કર્યો. ડૉ.એડવર્ડ જેનર બહાર નીકળે તો તેના પર પથ્થર ફેંકવામાં આવતા હતા પરંતુ જેનર એનાથી હતાશ થયા વિના એમને ખુદ પોતાના પુત્ર પર શીતળાની રસીનો પ્રયોગ કરી બતાવ્યો હતો. આખરે ડૉ.એડવર્ડ જેનર સામેનું તોફાન શાંત થયું. અને આ શોધનો સ્વીકાર કર્યો. બ્રિટીશ સરકારે ડૉ.એડવર્ડ જેનરને નાઈટહૂડની ઉપાધી આપી ૨૦ હજાર પાઉન્ડ આપ્યા હતા. જેમાંથી જેનરે નેશનલ વેક્સીન ઇન્સ્ટીટયુટની સ્થાપના કરી. આ ઉપરાંત રશિયાના ઝારે (રશિયા ના સમ્રાટ) એમનું સુવર્ણ મુદ્રીકાથી સન્માનિત કર્યા હતા. શીતળાના રોગનો સચોટ ઉપાય બતાવનાર ,શીતળાની રસીના શોધક ડૉ.એડવર્ડ જેનર ને યાદ કરીએ.
આભાર માનીએ કે,
તેમને માનવજાત ને શીતળા (Smallpox) થી બચાવી,
આભાર માનીયે કે તેમણે રોગપ્રતિકારક રસીઓ શોધવાનો સિદ્ધાંત આપ્યો.
આભાર માનીએ કે માનવજાત ને લુપ્ત થતા બચાવી...








(સંદર્ભ -ઇન્ટરનેટ)
(Created By Vishal Sonara)

July 11, 2017

"ભગવાન ની સંકલ્પના" : વર્ણાશ્રમી પિરામિડ વ્યવસ્થા ને વધારે મજબુત કરતું પરિબળ

By Dr Tarun Chandrikaben Baldevbhai





આપણે પિરામિડ ની બહાર વિચારનાર છીયે...
આ વર્ણાશ્રમી પિરામિડ વ્યવસ્થા ને વધારે મજબુત કરતું પરિબળ હોયતો તે છે "ભગવાન ની સંકલ્પના"... ભગવાન ની બીક ના લિધે લોકો આ અમાનવીય વ્યવસ્થા ને પોતાની નિયતી માની રહ્યા છે અને ઘણા તો હજી એ જ વાત સાચી માની બેઠા છે. . .
ભગવાન સર્વજ્ઞાતા, સર્વશક્તિમાન, દયાળુ, કલ્યાણકારી છેે, સર્વ જીવો પ્રત્યે કરુણાશીલ અને સર્વ જીવો પ્રત્યે સમભાવ રાખનારો છે. તેને સૃષ્ટિ ના સુસંચાલન માટે તમામ વ્યવસ્થા કરેલી છે અને વર્ણાશ્રમ તે ભગવાને નક્કી કરેલી તેમાંની એક વ્યવસ્થા છે તેમ માનીને લોકો કોઈપણ જાતનું હૂંફ ઉચ્ચાર્યા વગર મૂંગા મોઢે આ અસમાનતા આગળ સ્વેચ્છાએ નતમસ્તક છે...
પણ ખરું માનીએ તો ઉપરના જે પરિબળો કે સદગુણો ઉપર જણાવ્યા છે તે ભગવાન માં છે જ નહિ..
1) સર્વજ્ઞાતા
2) સર્વશક્તિમાન
3) દયાળુ
4) સૌ જીવો પ્રત્યે કરુણાશીલ અને કલ્યાણકારી
5) સર્વે જીવો પ્રત્યે સમભાવ રખાનારો.
આ બાબત એક નાનકડા ઉદાહરણથી , ભગવાન નાં એક જીવનપ્રસંગ થી સમજવા પ્રયત્ન કરીયે...
કહેવાય છે કે ભગવાન શિવ સ્નાન માટે હિમાલયથી ભીમબલી નામની જગ્યાએ ગયા. આ તરફ પાર્વતીએ પોતાના ઉબટન (શરીર નાં મેલ ) માંથી એક પૂતળુ બનાવી તેમા પ્રાણપ્રતિષ્ઠા કરી તેનું નામ ગણેશ રાખ્યું અને પોતે સ્નાન કરવા બેઠા હતા ત્યારે તેને ગુફાની બહાર દેખરેખ માટે બેસાડી દીધા. થોડા સમય બાદ ભગવાન શંકર આવ્યા તો તેમને ગણેશે અંદર જતા અટકાવ્યા. આથી ભગવાન શંકર ક્રોધિત થયા અને ગણેશનું માથું કાપી નાખ્યું. પાર્વતી શિવને સામે જોઇને દંગ રહી ગયા.  
જ્યારે શિવે સમગ્ર વાત કહી સંભળાવી તો પાર્વતી વિલાપ કરવા લાગી અને બોલી કે તે તો આપણો પુત્ર હતો. હવે તમે કેમેય કરીને આપણા પુત્રને જીવીત કરો. ભગવાન શંકર ધર્મસંકટમાં પડી ગયા, આ તો પ્રકૃતિ વિરુદ્ધનુ કાર્ય છે, પણ માતા પાર્વતીની જીદ. ભગવાને નક્કી કર્યું કે ઉત્તર દિશામાંથી જે પહેલો સજીવ આવે એનું માથું ગણેશ ને લગાડવું. બરાબર તે જ સમયે હાથીનું એક બચ્ચુ ઉત્તર દિશા તરફ થી આવ્યું ભગવાને તે બચ્ચાનું માથું કાપીને ગણેશને લગાડી દીધું. આ રીતે ગણેશજીનો પુનર્જન્મ થયો.
ભગવાનનો ડર રાખ્યા વગર જરાક વિચારો . . .
1) ભગવાન સર્વજ્ઞાતા છે તો પોતાના ખુદ નાં બાળક ને (અથવા પોતાની પત્ની એ બનાવેલા બાળક ને) કેમ ઓળખી ના શક્યા??
2) તે સર્વશક્તિમાન છે તો હઠે ચડેલા એક બાળક ને કેમ હરાવી ના શક્યા?? શું તેને મારી નાખવું જ અંતિમ ઉપાય હતો? પોતાની અસીમ શક્તિઓથી પેલા અદના સા બાળક ને સર્વશક્તિમાન ભગવાન કાબુ ના કરી શક્યા હોત? તે અસમર્થ હતા???
3) ભગવાન દયાળુ હોત તો નાના અમથા બાળક ની દયા એમને ચોક્કસ આવી હોત.. છોરું કછોરું થાય પણ માવતર કઇં થોડા એમ દયા વગરના હોય?
4) ભગવાન કરુણાશીલ હોવાની વાત થઇ છે..પણ જો તે વાત સાચી હોત તો તેમને ગણેશ પ્રત્યે કરુણા થઇ હોત... પેલા નિર્દોષ મદનિયા(હાથીના બચ્ચા) પર પણ કરુણા ઉપજી નહિ કરુણા ના સાગર એવા પરમપિતા ને.
5) ભગવાન સર્વ પ્રત્યે સમભાવ રાખવા વા્ળા હોત તો પોતાના બાળક ને જીવિત કરવા અન્ય ના બાળક નું માથું વાઢી નાખત નહીં. કેટલો સ્વાર્થી કેહવાય ઈશ્વર કે પોતાની પત્ની ના કલ્પાંત ને શાંત કરવા તેણે પેલા અબોલ હાથી-હાથણી ને આક્રંદ કરતા મૂકી દીધા!!! શું મદનિયુ તે ઈશ્વર ની રચના નથી?? ઈશ્વર તે સર્વ નો બાપ હોય તો તે સંબંધે મદનિયુ તે ઈશ્વર નું બાળક થાય..પણ તેને પક્ષપાત રાખ્યો પોતાના સગા બાળક(ગણેશ) અને સાવકા બાળક(મદનિયા) વચ્ચે...  ભગવાન પક્ષપાતી છે..

એક મહાન ગ્રીક વિચારક એપિકયુરસે  (341–270 BC) સાચુજ કહ્યું છે..
"ભગવાન બુરાઈ અટકાવવા માટે તૈયાર છે, પરંતુ સક્ષમ છે ખરો?
સક્ષમ ન હોય તો પછી તે સર્વશક્તિમાન ન કહેવાય.
જો તે એમ કરવા સક્ષમ છે, પરંતુ તૈયાર નથી?
તો પછી તે દ્વેષભાવી છે,લોકોનું ખરાબ કરવાની ભાવનાવાળો છે.
જો તે સક્ષમ પણ છે અને તૈયાર પણ છે?
તો પછી શાથી અાવે છે આ બુરાઈઓ ? શાથી વ્યાપ્ત છે આ દુષ્ટતા, પાપ???
તે સક્ષમ પણ નથી અને તૈયાર પણ નથી? પછી શા માટે તેને ભગવાન કહેવાય છે???"







June 27, 2017

કાયદાથી રક્ષિત ધાર્મિક આતંકવાદનું ભારત માં બિજારોપણ

By Dr Tarun Chandrikaben Baldevbhai

Legalized #SaffronTerror in UP...




આતંકવાદી કોઈપણ ધર્મ નો હોઈ શકે, મુસલમાન હોઈ શકે , હિન્દુ  કે અન્ય કોઈ ધર્મનો... પણ મોટા ભાગે આતંકવાદી તે ધાર્મિક-ચરમપંથી જ હોય. અને આવા કોઈ ધર્માંધ કટ્ટરપંથી વિચારધારા વાળા વ્યક્તિ ના હાથમાં કાયદો વ્યવસ્થા સાચાવવાની જવાબદારી હોય તો પ્રજા નિર્ભક કઈ રીતે હોય.?

ઉત્તરપ્રદેશ ના મુખ્યમંત્રી યોગી આદિત્યનાથ ના "મુસલમાનો શાંતિથી નહીં રહે તો અમે તેમને તેમની ભાષામાં શાંતિથી રહેતાં શીખવીશું" તે સબબ ના નિવેદનો તે જે તે પ્રદેશ ની લઘુમતી કોમના લોકો માટે ચોક્કસ ભયભીત કરનારા હશે...આતંક ફેલાવનારા હશે.તેમના શાબ્દિક આતંકવાદના પુરાવા...

【1】-ઓગસ્ટ, 2014માં યોગીએ લઘુમતી સમુદાય પર હુમલો કરતા જણાવ્યું હતું કે, જ્યાં પણ તેમની સંખ્યા 10 ટકા કરતા વધુ વસ્તી છે ત્યાં રમખાણો થાય છે જ્યારે તેમની સંખ્યા 35 ટકાથી વધુ છે ત્યાં બિન મુસ્લિમો માટે જગ્યા નથી.



【2】- યોગી આદિત્યનાથે ઉત્તરપ્રદેશ ચૂંટણીના પ્રચાર દરમિયાન કૈરાનામાં હિન્દુઓના પલાયનનો મુદ્દો ઉઠાવી ધાર્મિક કાર્ડ ખેલવાનો પ્રયાસ કર્યો હતો. ફેબ્રુઆરી 2017 માં યોગીએ કહ્યું કે અમે પશ્વિમ ઉત્તરપ્રદેશને બીજું કાશ્મીર બનવા નહીં દઇએ.


【3】- જૂન 2016માં બીજેપી સાંસદ યોગી આદિત્યનાથે મધર ટેરેસાને લઇને વિવાદીત નિવેદન કરતા કહ્યુ હતુ કે, ટેરેસા જેવા લોકોએ ભારતમાં ઇસાઇકરણનો પ્રયાસ કર્યો છે. મધર ટેરેસા જેવા લોકો ક્યારેક ભારતમાં ઇસાઇકરણનું કામ કરે છે તો ક્યારેક ફાધર બનીને અહીં હિન્દુઓને દફનાવવાનું કાવતરું રચે છે.


【4】-જૂન, 2015માં આદિત્યનાથે કહ્યુ હતુ કે યોગ ઋષિઓએ આગળ વધાર્યો છે. હિન્દુસ્તાનમાં મહાદેવનો વાસ છે. જેણે યોગને લઇને કોઇ સમસ્યા છે તે હિન્દુસ્તાન છોડીને જઇ શકે છે. જેને સૂર્ય નમસ્કાર કરવા પર સમસ્યા છે તેમણે સમુદ્રમાં ડૂબી જવું જોઇએ.


【5】- નવેમ્બર 2015માં યોગી  આદિત્યનાથે શાહરૂખ ખાનની તુલના આતંકી હાફિઝ સઇદ સાથે કરી હતી. આદિત્યનાથે શાહરૂખ ખાન પર આપતિજનક નિવેદન કરતા કહ્યુ હતું કે, શાહરૂખે સમજવું જોઇએ કે જો એક મોટી વસ્તીએ ફિલ્મ જોવાનું બંધ કરી દીધું તો શાહરૂખ રસ્તા પર આવી જશે. શાહરૂખ અને આતંકી હાફિઝ સઇદના નિવેદનો એક જેવા છે.


【6】 ઓગસ્ટ, 2014માં આદિત્યનાથનો એક વીડિયો વાયરલ થયો હતો જેમાં તેઓ કહી રહ્યા છે કે અમે નિર્ણય લીધો છે કે જો એક હિન્દુ છોકરીનું ધર્મ પરિવર્તન કરાવવામા આવશે તો અમે 100 મુસ્લિમ છોકરીઓનું ધર્મ પરિવર્તન કરાવીશું. બાદ મા આદિત્યનાથે કહ્યું કે, અમે આ વીડિયો પર કોઇ ટિપ્પણી કરીશું નહીં.


【7】- ઓક્ટોબર 2015 માં ચર્ચાસ્પદ દાદરી કાંડ પર આદિત્યનાથે કહ્યુ હતુ કે, ઉત્તરપ્રદેશ કેબિનેટ મંત્રી (આઝમ ખાન)એ જે રીતે સંયુક્ત રાષ્ટ્ર જવાની વાત કરી છે તેમને તરત જ હટાવી દેવામાં આવે. આજે મેં વાંચ્યું છે કે અખલાક પાકિસ્તાન ગયો હતો અને ત્યારબાદથી તેની ગતિવિધિઓ બદલાઇ ગઇ હતી. શું સરકારે એ જાણવાનો પ્રયાસ કર્યો કે આ વ્યક્તિ પાકિસ્તાન કેમ ગયો હતો. આજે તેના વખાણ કરવામાં આવી રહ્યા છે.


【8】- ફેબ્રુઆરી 2015માં યોગી આદિત્યનાથે કહ્યુ હતું કે, જો તેમને તક આપવામાં આવે તો તેઓ દેશની તમામ મસ્જિદોની અંદર ગૌરી-ગણેશની મૂર્તિ સ્થાપિત કરી દે.


【9】- ફેબ્રુઆરી 2015માં આદિત્યનાથે કહ્યુ હતું કે આર્યાવર્તએ આર્ય બનાવ્યા, હિન્દુસ્તાનમાં અમે હિન્દુ બનાવી દઇશું. અમે આખી દુનિયામાં ભગવો ઝંડો ફરકાવી દઇશું.


【10】 - ફેબ્રુઆરી 2015માં આદિત્યનાથે કહ્યું હતું કે, મક્કામાં બિન મુસ્લિમોને પ્રવેશવાની મંજૂરી નથી. વેટિકન સિટીમાં બિન ખ્રિસ્તીઓને પ્રવેશ મળતો નથી તો પછી આપણે ત્યાં કોઇ પણ વ્યક્તિ કેમ આવે છે?? દેશમાં મુસ્લિમોમાં જન્મદર વધારે છે. જેનાથી જનસંખ્યામાં અસંતુલન આવી શકે છે.