જેવો રાજા તેવી પ્રજા.. - મેહુલ રામકર

એક વાર તથાગત બુદ્ધ એ ભીક્ખુઓ ને સંબોધન કરતા કહ્યું કે, હે ભિખ્ખુઓ જયારે રાજા દુરાચારી થઇ જાય, તો તેના મંત્રીગણ અને અધિકારીગણ પણ દુરાચારી થઇ જાય છે.. જયારે મંત્રીગણ અને અધિકારીગણ દુરાચારી થઇ જાય ત્યારે ગૃહપતિ પણ દુરાચારી થઇ જાય છે.. જયારે ગૃહપતિ દુરાચારી થઇ જાય ત્યારે ગામ અને નગર ના લોકો પણ દુરાચારી થઇ જાય છે..

જયારે રાજા સદાચારી હોય છે, ત્યારે તેનો મંત્રીગણ અને અધિકારીગણ પણ સદાચારી હોય છે.. જયારે મંત્રીગણ અને અધિકારીગણ અને અધિકારી ગણ સદાચારી હોય છે ત્યારે ગૃહપતિ પણ સદાચારી બની જાય છે.. અને જો ગૃહપતિ સદાચારી હોય તો ગામ અને નગર ના લોકો પણ સદાચારી બની જાય છે.

જયારે ગાયો નદી પાર કરી રહી હોય છે ત્યારે કોઈ વૃદ્ધ બળદ ખોટા રસ્તે ચાલી જતો હોય તો એનું અનુકરણ કરીને બધી ગયો પણ ખોટા રસ્તે ચાલી જાય છે.. આ જ પ્રકારે માણસો માં પણ મોભી કુટિલ હોય તો અન્ય લોકો પણ કુટિલ બની જાય છે.. આ જ પ્રકારે જયારે રાજા રસ્તો ભટકી જતો હોય તો સમગ્ર રાજ્ય દુખી થાય છે..

જયારે ગાયો નદી પાર કરતી હોય અને બળદ સીધો જાય તો બધી ગયો પણ એનું અનુકરણ કરતી સીધી જાય છે કેમ કે એનો માર્ગ સીધો છે.. એવી જ રીતે માણસો માં જે મોભી હોય છે, જો તે સત્માર્ગી હોય તો બીજા પણ સદાચારી બને છે..

તથાગત બુદ્ધ એ કરેલી આ ધમ્મ દેશના, આપણા સમાજ ના આજના આંબેડકર ભક્તો અને અનુયાયીઓ ને પૂર્ણ રીતે લાગુ પડે છે.. જેવા સંગઠન ના મુખ્ય મોભી હશે, એવા જ સંગઠન ના અન્ય કાર્યકર્તાઓ હશે, એના પર જ સંગઠન ની સફળતા નો આધાર રહેલો છે.. હવે આપને નક્કી કરવાનું છે કે આપણે અનુયાયી બનવું કે ભક્ત!!!

આજના પવિત્ર દિવસ, તથાગત ગૌતમ બુદ્ધ ના જન્મદિવસ, જ્ઞાન પ્રાપ્તિ દિવસ અને મહાપરીનીર્વાણ દિવસે સૌને મંગલ કામનાઓ..

જય ભીમ.. નમો બુદ્ધાય.. 

-- મેહુલ રામકર 

મને વિશ્વાસ છે, મારો સમાજ જરૂર બદલાશે.. - મેહુલ રામકર

આપણા બહુજન સમાજ ના મહાપુરુષો અને માતાઓ એ બતાવેલ માર્ગ અને દિશા, વિષય, ચિંતા, ચિન્તન, અને ચેતના થી સંબંધિત છે. 

બહુજન મહાપુરુષો, માતાઓ અને બાબા સાહેબ ની અથાગ મહેનત, પરિશ્રમ, ત્યાગ અને સંઘર્ષો ના પરિણામ થી સુશિક્ષીત બનેલા આપણા સમાજ ની પરિસ્થિતિ ગંભીર છે, પરંતુ ઉપાય જરૂર છે.  આ ઉપાય ત્યારે જ સાર્થક થઇ શકશે જયારે આપણો સમાજ આંદોલિત અને સંગઠિત થશે. 

સમાજ સંગઠિત ત્યારે જ થશે જયારે આપણે આપણી જાત ને મનુવાદ (અંધવિશ્વાસ, પાખંડ, કુરિવાજો, જાતિવાદ, પરગણાવાદ, વગેરે) માંથી મુક્ત કરીશુ. આપણે મનુવાદ માંથી ત્યારે જ મુક્ત થઇશું જયારે અજ્ઞાન ને આપણી શાન સમજવાનું છોડી દઈશું. અને એ ત્યારે જ શક્ય છે જયારે આપણે આપણા મહાપુરુષો ના બતાવેલા માર્ગ અને દિશા તેમજ તેમના વિચારો ને સમજવાની માનસિકતા વિકસિત કરીશું.

આ માનસિકતા વિકસિત કરવા માટે જરૂરી છે કે, આપણે આપણા મહાપુરુષો એ કીધેલી પર વિશ્વાસ મુકવાનું, એ વાતો  પર વિચારમંથન કરવાનું, અને તર્ક કરવાનું શરુ કરીશું.. 

આપણે આપણા સમાજ ની દિશા અને દશા બન્ને બદલી શકીએ છીએ પરંતુ જયારે આપણે એ મહાપુરુસો એ બતાવેલા માર્ગ અને દિશા તરફ અચકાયા કે ખચકાયા વગર ચાલવાનું શરુ કરીશું. બાબા સાહેબ આંબેડકર એ ચીંધેલી આંગળી નું સાચું મહત્વ અને સાચો અર્થ સમજીશું.

મને વિશ્વાસ છે એક દિવસ મારો સમાજ જરૂર સુશિક્ષિત, આંદોલિત અને સંગઠિત બનશે.. એક દિવસ મારો સમાજ જરૂર બદલાશે. 

જય ભીમ

-- મેહુલ રામકર