July 08, 2017

સમાજના સાચા હિરો કાંતી વાળા ની કરુણ કથની અને ઢોંગી સમાજપ્રેમીઓ

By Sunil Jadav




ધન્ય ઘડી... ધન્ય ભાગ્ય...દલિત સમાજનો હિરો... આપણા સમાજનું ઘરેણું એવા કાંતિ વાળા(અમરેલી) અમારે ઘેર પધાર્યા...! હા, એ દસ દિવસની પેરોલ પર છૂટ્યા છે. તેમની કરુણ કથની સાંભળી મને આપણા આખા સમાજ પર અને સૌથી વધુ તો મારી જાત પર ખૂબ ગુસ્સો આવ્યો. સમાજ ઉત્થાનની અને સમાજ જાગૃતિ તથા સમાજ હિતની વાતો કરનારા આપણાં કહેવાતા સામાજિક-રાજકીય આગેવાનો એક માણસને એક વર્ષથી જેલમાંથી જામીન પર છોડાવી નથી શક્યા એ સૌથી મોટા અફસોસ અને શરમની વાત છે. આજે એ બેય માણસ મારા ઘેર પોતાની પીડા અને આપવીતી વર્ણવતા રડી પડ્યા ત્યારે મને મારી જાત પર ખૂબ ઘૃણા થઈ... નફરત થઈ. .! 
મિત્રો, ઉનાકાંડને એક વર્ષ થવા આવ્યું છે. ઉનકાંડ પછી આખા ગુજરાતમાં ઉગ્ર આંદોલન અને દેખાવો થાય. ક્યાંક તોફાનો પણ થાય. આપણાં અનેક યુવાનોએ ઝેરના પારખાં કર્યા...જેમાં યોગેશ સરીખડા(મોટી પડબડી) જેવા આશાસ્પદ યુવાને જીવ ગુમાવ્યો. દરેક તાલુકા-જિલ્લા લેવલે રેલીઓ નીકળી...દેખાવો થયા..આવેદનો અપાયા. અમરેલીમાં પણ વિશાળ રેલી નિકળી અને વાતાવરણ ઉગ્ર બનતા તોફાન થયું... લાઠીચાર્જ થયો.. આ તોફાની વાતાવરણ વચ્ચે પંકજ અમરેલીયા નામના પોલીસ કોન્સ્ટેબલનું જીપમાં પડી જવાથી અકસ્માતે અવસાન થયું. આંદોલનને ડામી દેવા પોલીસ તંત્ર દ્વારા આગેવાનોને ટાર્ગેટ કરી ખોટી રીતે 49 જેટલા લોકો પર 302 ની કલમ હેઠળ ગુનો દાખલ કરવામાં આવ્યો. જેમાં દલિત સમાજના અનેક બનાવોમાં ન્યાય માટે વારંવાર લડત કરતા અને પોલીસ તથા વહીવટી તંત્ર માટે માથાનો દુખાવો બની ચૂકેલા એવા આપણાં હોનહાર યુવા આગેવાન કાંતિ વાળા(સાવરકુંડલા)ને આરોપી નંબર એક અને યુવા એડવોકેટ નવચેતન પરમારને આરોપી નંબર બે બનાવી જેલ ભેગા કરાયા. અન્ય પાંચ-છ લોકોની પણ ધરપકડ કરવામાં આવી. બાકીનાની ધરપકડ તોળાય છે. પોલીસના આવા પક્ષપાતી વલણ સામે દલિત સમાજે જબરદસ્ત ફાઇટ આપી. ઉપવાસ-ધરણાં-આવેદન-સંમેલન થયા.. પણ કોઈ પરિણામ ન આવ્યું. લાંબી કાયદાકીય પ્રક્રિયા ચાલી અને બે મહિલાઓ સહિત એક પછી એક આંદોલનકારી જમીન પર છૂટ્યા. પણ કાંતિ વાળા ન છુટ્યા. કેટલાંક આગેવાનો અને સામાજિક કાર્યકરોએ પ્રયત્નો કર્યા પણ નિસ્ફળ રહ્યા. જેલ વાસ દરમ્યાન કાંતિ વાળાના પરિવારની... બાળકોના અભ્યાસની વગેરે જવાબદારી સમાજે ભોગવવી જોઈતી હતી... પણ મોટી મોટી વાતો કરવામાં..અને FB તથા વ્હોટ્સઅપ પર શુફિયાણી વાતો કરી... ફક્ત સમાજપ્રેમી હોવાનો ઢોંગ કરનાર... દેખાવ કરનાર... આરંભે શુરા એવા આપણે સૌ અંતે તો માયકાંગલા સાબિત થયા. કાંતી વાળાને છોડાવવાની ગુલબંગો પોકારનારા મોટાભાગના આગેવાનો શોમેન સાબિત થયા અથવા તો ખસી ગયા. સૌથી દુઃખદ બાબત તો એ કે તેમને જેલમાંથી છોડાવવા સંદર્ભે પણ રાજકારણ ખેલવા લાગ્યું. આજે પરિસ્થિતિ એવી છે કે કાંતિ ભાઈ એક વર્ષથી જેલમાં છે જેથી એમના પત્ની અને બે નાની દીકરીઓના ભરણ-પોષણ અને ભણતરના ખર્ચના પણ સાંસા થઈ પડ્યા છે. કાંતિભાઈ પોતાનું મકાન વેચવા તૈયાર થયા છે. આ વાતની ઉનાના મિત્રોને ખબર પડી તો તે લોકોએ બનતી મદદ કરી... એ મિત્રોએ મને આ વાતની જાણ કરી. મેં મારાથી બનતા પ્રયત્નો કરવાની અને આર્થિક મદદની ખત્રી આપી. જેથી પોતાના મેડિકલ શર્ટિફિકેટના કામે આજે રાજકોટ આવેલા કાંતિભાઈ અને તેમના પત્નીને અમે સીધા અમારે ઘેર બોલાવ્યા. અમે સૌ સાથે જમ્યા અને 'તથાગત ફાઉન્ડેશન' વતી તેમની બન્ને દીકરીઓને અભ્યાસના ખર્ચ પેટે રૂપિયા 25,000 /- ની મદદ કરી. ઉપરાંત અમારાથી બનતા બધા જ પ્રામાણિક પ્રયત્નો કરી હાઇકોર્ટ દ્વારા તેમને જામીન મળે એ માટે પણ અમારાથી બનતી મદદ કરવાની ખાતરી આપી. જે મિત્રોએ તેમને અત્યાર સુધી મદદ કરી છે તે સૌનો ઋણ સ્વીકાર સાથે ખૂબ ખૂબ આભાર. ભાઈ કાંતિ વાળા વહેલી તકે જામીન પર છૂટી જેલમાંથી બહાર આવે...પોતાની વ્હાલસોઈ નાની દીકરીઓ સાથે પ્રેમમય જીવન જીવતા થાય.. અને એના માટે સમાજમાં જાગૃતિ આવે એવી અપેક્ષા સાથે...સૌને જય ભીમ.
(Created by Vishal Sonara) 

July 06, 2017

સંસદીય લોકતંત્ર વિશે ડો. આંબેડકર ના વિચારો

By Jigar Shyamlan



સંસદીય પધ્ધતિ વિશે ડો. આંબેડકરના વિચાર એકદમ સ્પષ્ટ હતા. તેઓ જણાવે છે કે –
"સંસદીય સંસ્થાઓ એક જમાનામાં ભારતમાં અસ્તિત્વ ધરાવતી હતી એ બાબતે આપણા ગ્રંથોમાં અનેક ઉદાહરણ છે. એનાથી એ વાત સિધ્ધ થાય છે કે સંસદીય પધ્ધતિ આપણા માટે અજાણી નથી. સંસદીય શાસનનો અર્થ જ પારિવારીક શાસનનો વિરોધ છે. કોઇ પણ વ્યક્તિ માત્ર પરંપરાના આધાર પર શાસન કરવાનો દાવો ન કરી શકે. શાસન કરવાની ઇચ્છા રાખતા લોકો સમયાંતરે લોકો દ્વારા ચૂંટાઇ આવે એ જરૂરી છે. એને સ્પષ્ટ રીતે લોકોની સ્વિકૃતિ મળવી જોઇયે. સંસદીય શાસન પધ્ધતિમાં ખાનદાની શાસનને કોઇ સ્થાન નથી."
બીજા લોકોના સામાજિક જીવન પર લાગું પડતા કોઇ પણ કાયદાકે કાર્ય જનતા દ્વારા ચૂંટાયેલ લોકોની સલાહ મુજબ થવા જોઇયે. પોતે જ સર્વજ્ઞ છે, કાયદા બનાવી શકે છે તથા સરકાર ચલાવી શકે છે એવું માની કે ધારી લેવાનો કોઇ પણ વ્યક્તિને હક્ક નથી. કાયદા માત્ર સંસદના માધ્યમથી લોક પ્રતિનિધિઓ દ્વારા જ બની શકે છે. 
સંસદીય પધ્ધતિ મુક્યત્વે બે સ્તંભ પર ટકેલી છે. 
(1). જેમાં એક સ્તંભ છે વિરોધ પક્ષ, 
(2). બીજો સ્તંભ છે સ્વતંત્ર તેમજ નિષ્પક્ષ ચૂંટણી. 
પ્રથમ સ્તંભ વિરોધ પક્ષ અંગે જોઇયે તો છેલ્લા 20-30 વર્ષોથી આપણે એક જ રાજકીય દળના શાસનથી ટેવાઇ ગયા છીએ. સંસદીય લોકતંત્રના સુચારૂ સંચાલનમાં વિપક્ષની જરૂરિયાત અને મહત્વને લગભગ વિસરી ગયા છીએ. આપણને વારંવાર એમ કહેવામાં આવે છે કે વિરોધ એક દુર્ગુણ છે. અહીં આપણે પ્રાચિન ઇતિહાસ દ્વારા આપવામાં આવેલ શિક્ષાઓને જાણી જોઇને ભૂલી રહ્યા છીએ. આપ જાણો છો કે વેદ અને સ્મૃતિઓને વ્યાખ્યાયિત કરનારા નિબંધકાર હતા. શ્લોક અને સુત્રો પર પોતાની ટિપ્પણીઓ કરતા પહેલા તેઓ (પ્રશ્નનો એક પક્ષ) પૂર્વ પક્ષ અને ટિપ્પણીઓ બાદ તેઓ પ્રશ્નના બીજા હેતુ (ઉત્તર પક્ષ)નો ઉલ્લેખ કરતા હતા. આ રીતે તેઓ એક વાત આપણને બતાવવા માંગતા હતા કે ઉઠાવવામાં આવેલ પ્રશ્ન કોઇ સરળ પ્રશ્ન નથી, એ પ્રશ્ન વિવાદીત, અનેક શંકાઓથી અને ભિન્ન ભિન્ન વિચાર ભરેલ છે. તેઓ બન્ને પક્ષની આલોચના કરતા અને અંતમાં પોતાનો સ્વયંનો નિર્ણય અથવા સિધ્ધાંત રજુ કરતા હતા. આ પરથી આપણને એ જાણવા મળે છે કે તમામ પ્રાચિન શિક્ષકો શાસન ચલાવવા માટે બે પક્ષના સિધ્ધાંત પર વિશ્વાસ ધરાવતા હતા. 
સંસદીય લોકતંત્રમાં મહત્વપૂર્ણ વસ્તુ એ છે કે જો પ્રશ્નની બે બાજુઓ છે, તો લોકોએ બીજી બાજુ વિશે જાણવું જોઇયે. એટલા માટે એક સક્રિય વિપક્ષની જરૂરિયાત જણાય છે. સ્વતંત્ર રાજનીતિક જીવન માટે વિપક્ષ એક ચાવીરૂપ છે જેના વગર લોકતંત્ર ચાલી શકે નહી. બ્રિટન અને કેનેડા જેઓ સંસદીય શાસન પધ્ધતિના પથ દર્શક છે તેઓ વિપક્ષના મહત્વને સ્વિકૃતિ આપે છે અને આ દેશોમાં વિપક્ષ નેતાઓને સરકાર વેતન આપે છે. તેઓ વિપક્ષને પણ આવશ્યક માને છે. આ દેશના લોકોનો વિશ્વાસ છે કે વિપક્ષે એટલા જ સક્રિય હોવું જોઇયે જેટલો સક્રિય સત્તાપક્ષ હોય. 
સરકાર સત્યને છૂપાવી શકે છે, એક પક્ષીય પ્રચાર પણ કરી શકે છે. આ બન્ને દેશોના લોકોએ આ પ્રકારની ઘટનાથી બચવા માટે વ્યવસ્થા બનાવી છે. 
બીજો સ્તંભ સ્વતંત્ર તેમજ નિષ્પક્ષ ચૂંટણીઓ છે જેની પર સંસદીય લોકતંત્ર ઉભો રહે છે. શાંતિપૂર્ણ રીતે કોઇ પણ રક્તપાત વિના એક વર્ગથી બીજા વર્ગ તરફ સત્તાનું હસ્તાંતરણ થવું જરૂરી છે. જુના સમયમાં જ્યારે રાજાનુ મૃત્યું થતુ ત્યારે રાજમહેલમાં ઓછામાં ઓછી એક હત્યા તો અવશ્ય થઇ જતી હતી. નવો રાજા સત્તા પોતાના હાથમાં લે એ પહેલા જ મહેલમાં ક્રાંતિ જેવું વાતાવરણ ઉભુ થતું. જેના પરિણામે કેટલીક હત્યાઓ થતી. આ ભારતનો ઇતિહાસ રહ્યો છે. 
- જિગર શ્યામલન

સશક્ત વિપક્ષ વિશે ડો. આંબેડકર ના વિચારો

By Jigar Shyamlan




ડો. આંબેડકરે એક સભામાં શાસક પાર્ટી પર નિયંત્રણ રાખવા માટે વિપક્ષની ખુબ જ જરૂરિયાત હોવા અંગે પર ભારપૂર્વક કહ્યું હતું. વધુમાં એક શસક્ત વિરોધ પક્ષની મહત્વતા પર બોલતા એમણે કહ્યું હતું કે,
“કોઇ પણ એક જ પાર્ટીને અસિમિત અધિકારો ન મળવા જોઇયે અને જો આવી સ્થિતી પેદા થાય તો, મૌન અને તટસ્થ રહેવું લોકો માટે ખરાબ જ ગણાશે.”

“પ્રજા સોશ્યલિસ્ટ પાર્ટી” અને “અખિલ ભારતીય અનુસૂચિત જાતિસભા”આ બન્ને દળ સ્વતંત્રતા, સમાનતા અને લોકતાંત્રિક સમાજવાદના ઉમદા હેયુઓ માટે ચૂંટણી લડી રહ્યા હતા. ડો. આંબેડકરનો સ્પષ્ટ વિચાર એ હતો કે આ જોડાણને ભલે સરકાર બનાવવામાં અસફળતા મળે પરંતું તેઓ એક સશક્ત વિરોધ પક્ષ બનાવવામાં ચોક્કસ સફળ થશે. એમણે આગળ જણાવતા કહ્યું કે સંખ્યાથી કોઇ મતલબ નથી. વિપક્ષની ગુણવત્તા જ મહત્વપૂર્ણ છે. ડો. આંબેડકરે લોકોને અપિલ કરી કે જો તેઓ “અખિલ ભારતીય અનુસૂચિત જાતિસભા” અને “પ્રજા સોશ્યલિસ્ટ પાર્ટી” ના તમામ ઉમેદવારોને જિતાડી ન શકે તો કાંઇ નહી એમાંથી સર્વોત્તમ લોકોને જ જીતાડે જેથી વિપક્ષ શ્રેષ્ઠ કોટીનો બને.
સશક્ત વિપક્ષની જરૂરિયાત પર જોર આપતા ડો. આંબેડકરે કોન્ગ્રેસને અન્ય પાર્ટીઓને વિપક્ષી પાર્ટીઓ તરીકે કામ કરવા દેવા અને લોકોની રાજનિતીક અવાજ પર લગામ ન લગાવવા જણાવ્યું હતું. ડો. આંબેડકરે ધનિક વર્ગના લોકોને કોન્ગ્રેસને ચૂંટણી ફંડ ન ફાળવવા અનુરોધ કર્યો હતો.
ડો. આંબેડકરે “અખિલ ભારતીય અનુસૂચિત જાતિસભા” અને “પ્રજા સોશ્યલિસ્ટ પાર્ટી” વચ્ચેના જોડાણનો મુખ્ય હેતુ કોન્ગ્રેસના વિરોધ માટેનો હોવાનું એક ચૂટણી સભામાં જણાવ્યું હતું.
માર્ચ 1952માં ડો. આંબેડકર સ્ટેટ કાઉન્સિલની 17 પૈકીની એક સીટ માટે પોતાનું ઉમેદવારીપત્ર ભર્યું અને પસંદગી પામ્યા. મે-1954માં લોકસભાની ઉપચૂંટણીઓમાં પણ ડો. આંબેડકર ફરીથી ઉભા રહ્યા પરંતું ફરીથી ચૂંટણીમાં હાર ખમવી પડી. આ બધી નિષ્ફળતાઓ પછી ડો. આંબેડકર સે વાત ચોક્કસ માનતા થયા કે જે પક્ષને ગ્રામિણ ક્ષેત્રમાં સમર્થન નથી એનું ભવિષ્ય નથી.
ડો. આંબેડકરે ચૂંટણીઓમાં મળેલ નિષ્ફળતાઓને ખેલદિલીપૂર્વક સ્વિકારી હતી. સંઘના કાર્યકરોને ત્રણ મહત્વપૂર્ણ સંદેશાઓ આપતા કહ્યું કે-
(1). અનુસૂચિત જાતિ સંઘ ગત સામાન્ય ચૂંટણીઓ હારી ગઇ. એના પરિણામ સ્વરૂપ કેટલાક લોકો છોડીને ચાલ્યા ગયા, કેટલાક લોકોનો વિશ્વાસ ડગમગી ગયો. હું આ હારેલી માનસિકતાને સાથ નથી આપતો. ચૂંટણીમાં સીટો જીતવી સંઘનો ધ્યેય નથી, એ તો ધ્યેય પ્રાપ્ત કરવાનું સાધન માત્ર છે. સંઘનું લક્ષ્ય તો એવા લોકોની સેવા કરવાનું છે જેમના માટે સંઘની સ્થાપના કરવામાં આવી છે. જ્યાં સુધી સમસ્યાઓ હશે, કોઇનેકોઇ સ્વરૂપે આ સંઘ પણ હયાત રહેશે.
(2). સંઘની હાર સ્વાગત કરવા યોગ્ય છે. એવું એટલા માટે કે આ હાર પછી સંઘમાં ઘૂસી ગયેલા કેટલાક વણજોઇતા લોકોને બહાર કાઢી નાખવામાં સફળતા મળી. જેઓ સંઘ સાથે જોડાયેલા છે તેઓની ઉપર એક મોટી જવાબદારી આવી છે. તેઓ માટે મારો એક જ સંદેશ છે કે મળેલી હાર પછી સંઘ આબોહવાની માર ખાધેલો દેખાઇ શકે છે પણ એના મૂળિયા સૂકાયા નથી.
(3). સંઘે ચૂંટણીઓમાં ઘણી વખત હાર સહન કરી છે. લોકો એવું વિચારે છે કે સંઘ માટે વિચારવું જ પડે એવું કોઇ વસ્તું સંઘમાં નથી. આપણે હાર ખમવી પડી કારણ આપણે આપણાં સિધ્ધાંતો પર અડગ છીએ. આપણે બીજી પાર્ટીઓમાં જવા માટે કે જાતને ગિરવે મૂકીએ તેવા નથી. આપણે સ્વયં દ્રઢ પ્રતિજ્ઞાબધ્ધ છીએ. આપણે જાતેજ પગ પર ઉભા થયા છીએ અને હંમેશા પગ પર ઉભા રહીશું. 
અનુસૂચિત જાતિ સંઘને કોઇ ગમાડતું નથી. એ જાણવું ખુબ જરૂરી છે કે એવું કેમ ..? એવું એટલા માટે કે સંઘ સંઘર્ષ માટે તૈયાર લડવૈયાઓનો પક્ષ છે. સંઘ શા માટે લડી રહ્યો છે..? બુધ્ધના શબ્દોમાં- આપણે લડી રહ્યા છીએ, શ્રેષ્ઠ મૂલ્યો માટે, ઉચ્ચ કક્ષાના પરિશ્રમ માટે અને ઉત્કૃટ બુધ્ધિમતા માટે. આ બધી ચીજો માટે આપણે લડવા માંગીએ છીએ માટે જ આપણે લડવૈયા છીએ. સંઘ પ્રતિ જે નાપસંદગી છે તેનાંથી હતાશ થવાની કે ગભરાવાની કોઇ જરૂર નથી. દુર્ગુણો સાથે કોઇ જ સમાધાન કર્યા વગર આ સંધર્ષ ચાલુ રહેશે.
- જિગર શ્યામલન

Facebook Post :-

અલગ અલગ ચોકાઓ સાથે ની આંબેડકરી વિચારધારા એક દંભ થી વિશેષ કંઈ નથી

By Jigar Shyamlan




આજે એક નાની વાતાઁથી શરુ કરીએ...
જેમણે કદી હાથીને જોયો જ ન હતો, હાથી વિશે સાવ જ અજાણ હતા તેવા અંઘ માણસોની સામે એકવાર હાથીને લાવવામાં આવ્યો, જેથી એ લોકો હાથીને અડકીને તે પરથી સમજી શકે કે ખરેખર હાથી કેવો હોઈ શકે.....??
એક પછી એક દરેકને હાથીની પાસે લઈ જવામાં આવ્યા. અને દરેક અંઘ માણસે પોત પોતાની રીતે હાથીને સ્પશઁ કરી હાથી કેવો હશે તેની ધારણાઓ કરી..
પછી દરેકને વારાફરથી પુછવામાં આવ્યુ તો દરેક અંધ માણસે કરેલ હાથીનું વણઁન સાવ જ અલગ અલગ હતુ.
એકને હાથી સુપડા જેવો લાગ્યો કારણ એણે હાથીના કાનને સ્પશઁ કરેલો.., બીજાને હાથી થાંભલા જેવો લાગ્યો કારણ એને હાથીના પગને સ્પશઁ કરેલો.., ત્રીજાને હાથી પહાડ જેવો તો બીજાને હાથી જાડા સાપ જેવો લાગ્યો..
હાથી એક જ હતો.. તેમ છતા દરેકે કરેલ હાથીનું વણઁન જુુદુ જુદુ અને એકબીજાથી સાવ અલગ હતુ.
આવુ કેમ બન્યું...???
કારણ એ અંઘ માણસો એ પહેલા કદીય હાથીને જોયો ન હતો કે હાથી વિશે કંઈ જાણતા ન હતા. દરેક અંઘ માણસે પહેલીવાર હાથીને નહી પણ હાથીના જુદા જુદા અંગોને કે ભાગોને સ્પશઁ કયોઁ હતો.. એટલે તેઓ હાથીના જે પણ અંગના સંપકઁમાં આવ્યા તેમને હાથી તે અંગ જેવો જ લાગ્યો.
બસ.. બાબા સાહેબની વિચારધારા પણ આ હાથી જેવી જ છે. અને કેટલાક અંઘ માણસો બાબા સાહેબને વાંચ્યા.., સમજ્યા વગર તેમને સમજવા પ્રયાસ કરી રહ્યા છે. એટલે તેઓને બાબા સાહેબની વિચારધારા હાથી જેવી નહી પણ હાથીના વિવિધ અંગ જેવી લાગી રહી છે. જો દરેકે બાબા સાહેબને વાંચ્યા હોત, સમજ્યા હોત તો એક જ વિચારધારાના અમલીકરણ માટે આટલા બધા અલગ જુથો અને અલગ અલગ ચોકાઓ ન હોત...!!!!
દલિત સમાજ, વણકર સમાજ, મેઘવાળ સમાજ, રોહીત સમાજ કે બીજા ભળતા નામવાળા તમામ સંગઠનોને હું પેલા અંઘ માણસો દ્વારા કરાયેલ હાથીના વણઁન જેવુ જ ગણું છું.
કારણ જો બાબા સાહેબને વાંચ્યા અને સમજ્યા હોત તો આવા અલગ સંગઠનો કે ચોકા કદીય ન હોત..
બાબા સાહેબની વિચારધારા સમજવા માટે પહેલા તો બાબા સાહેબને વાંચવા જ પડશે. કારણ જ્યાં સુધી પ્રત્યક્ષ બાબા સાહેબને નહી વાંચવામાં આવે ત્યાં સુધી બાબા સાહેબની વિચારધારા અંઘોના હાથીના વણઁન જેવી જ રહેશે..
આપ મુઆ વિના કદી સ્વગેઁ ન જવાય તેવી ગુજરાતીમાં એક કહેવત છે. જો કે આ કહેવત ફક્ત સરળતાથી સમજાવવાનાં ઉદ્દેશથી લખી છે, સ્વગઁ નરકની વાતોમાં મને સહેજેય વિશ્વાસ નથી.
ટુંકમાં બાબા સાહેબ આંબેડકરની વિચારધારા ફેલાવવા માટે પહેલા તો આપણે તેનું અનુસરણ કરવુ પડશે.
કારણ જો આપણે જ બાબા સાહેબના વિચારોનુ અનુસરણ કરતા ન હોઈયે તો અન્યોને કેવી રીતે સમજાવી શકીએ..???
બાબા સાહેબની વિચારધારા એટલે....?????
સમાનતાની વિચારધારા....
સ્વતંત્રતાની વિચારધારા.....
પરસ્પર ભાઈચારાની વિચારધારા....
અન્યાય સામે એક બનીને ઝઝૂમવાની વિચારધારા...
અત્યાચાર સામે વિરોધ કરવાની વિચારધારા....
દરેક પ્રકારના શોષણ સામે પ્રતિકાર કરવાની વિચારધારા....
સ્વાથઁ ખાતર લખાયેલ શાસ્ત્રો, રૂઢીઓ, પરંપરાઓ, માન્યતાઓ અને અંધવિશ્વાસ સામે તકઁબધ્ધ રીતે વિચારતા શીખવાની વિચારધારા....
જો હું આ વિચારધારા પર ચાલુ છુ મતલબ કે મને બાબા સાહેબની વિચારધારામાં વિશ્વાસ છે. એટલે હું પરસ્પર કોઈ ભેદમાં માનતો નથી...પણ જો હું દલિત, વણકર, રોહીત, મેઘવાળ વગેરે અલગ સંગઠનોના પક્ષમાં હોઉં મતલબ બાબા સાહેબને મેં વાંચ્યા નથી અને તેમની વિચારધારાને સમજ્યો નથી..મતલબ મને બાબા સાહેબની વિચારધારા પર સહેજેય વિશ્વાસ નથી.
એટલે જો તમને બાબા સાહેબની વિચારધારા પર વિશ્વાસ હોય તો જ તેની પર ચાલજો પોતાની જાતને માત્ર અને માત્ર એસ.સી. તરીકે જ ઓળખાવજો.. દલિત, વણકર, રોહીત જેવા અલગ ચોકાઓ બનાવી બાબા સાહેબની વિચારધારા પર ચાલી રહ્યાનો ખોટો દેખાડો તો નહી જ કરતા.
- જિગર શ્યામલન..

Facebook Post:-

एक महानायक, जिससे मीडिया बेख़बर

By Raju Solanki



A real hero of Dalit struggle.
Listen to Haresh Parmar. A salt pan worker who travels 40 km from Morbi to Malia every Monday. And returns back on Saturday. He earns a meagre amount of Rs 300 per day. 
Haresh wants to educate his children. His fight for education is echoed in Gujarat High Court. A real inspiration for all poor parents. Dalit Hakk Rakshak Manch has provided legal help.


દલિત સંઘર્ષનો સાચો મહાનાયક
બાળકોના શિક્ષણ માટે દલિત હક્ક રક્ષક મંચના સહયોગથી ગુજરાત હાઇકોર્ટના દરવાજા ખખડાવનાર મોરબીના હરેશ પરમારનો ઇન્ટરવ્યૂ. હરેશ મીઠાના અગરમાં કામ કરે છે. દર સોમવારે મોરબીથી ૪૦ કિમી દૂર માળીયા જાય છે અને શનિવારે ઘરે પાછા ફરે છે. ગુજરાતમાં દલિતોની સાચી સ્થિતિ આ છે. સાચી લડાઈ પણ આ છે.

Vikas Vadher :  આશા છે કે… દલિત બાળકો ભણશે, પ્રગતિ કરશે, અને તે બાબત અન્યાયીઓનાં ગાલ પર એક સણસણતો તમાચો બનશે.

Facebook Post :-