'જે તે જાતિના મુળ સંસ્કારો ક્યારેય જતાં નથી'

By Vijay Makwana
બે-ચાર દિવસ પહેલાં એક 'રેસિયલ કોમેન્ટ' મળી હતી..

'જે તે જાતિના મુળ સંસ્કારો ક્યારેય જતાં નથી'

બે દિવસ સર્વેક્ષણમાં વિતાવ્યા..ખાસ દોસ્તોને મળ્યો..નિષ્ણાંત વિદ્વાનોનો સંપર્ક કર્યો આ બાબતે ચર્ચાઓ કરી. કેટલીક કોર્ટોના રજીસ્ટરો તપાસ્યાં. અહીં ફેસબુક પર કેટલીક સ્ત્રીઓને સવાલો પૂછ્યાં..પછી થોડાં સમય પહેલાં કોઇએ મને સમલિંગી ગૃપમાં એડ કરી દિધેલો તો ત્યાં પણ સર્વે કરી લીધો..અને પછી કેટલાંક તથ્યો મળી આવ્યાં જે અહીં રજુ કરું છું.

* મારા દોસ્તો મને મારા શહેરનાં બે વૃદ્ધાશ્રમમાં લઇ ગયાં..મને મારી જાતિનું એકપણ વૃદ્ધ દંપતિ ન મળ્યું.
* કોર્ટનાં વિવિધ રજીસ્ટરો તપાસ્યાં
-સંપતિની વહેંચણી વિષયક કેસોમાં મારી જાતિનાં માત્ર બે કેસ મળ્યાં.
-ઘરેલું હિંસાનાં મામલામાં મારી જાતિની ઔરતોએ બહુ ઓછી ફરિયાદ કરેલી છે.
-ડિવોર્સની અરજીમાં પણ મારી જાતિના યુગલોની ટકાવારી 1% છે.
-વિદેશી શરાબના બુટલેગરોમાં મારી જાતિનો એકપણ વ્યક્તિ નથી.
-બેંક ડિફોલ્ડર, જમીન કૌભાંડ, કબૂતરબાજી તથા આર્થિક છેતરપિંડીના મામલામાં મારી જાતિનો એક પણ આરોપી નથી.
-ચોરી,લુંટ,ઘરફોડ,ધાડ જેવા ગુનાહિત ખટલાંમાં મારી જાતિનો એકપણ વ્યક્તિ સહઆરોપી પણ નથી.
-ખનિજચોરી,ગેરકાનુની હથિયાર રાખવા,હથિયારોની તસ્કરી કરવી જેવા મામલામાં મારી જાતિનો રિપોર્ટ નિલ છે.
-નકલી નોટો,અફિણ,ચરસ,ગાંજાના વ્યાપાર જેવા મામલામાં મારી જાતિના લોકોનું નહિવત યોગદાન છે.
- IPC-302,307,389 જેવા ગંભીર ગુન્હામાં મારી જાતિની ટકાવારી 2% થી 7% જેટલી છે.
- હવે આવીએ યૌનાચારના, વ્યાભિચારના કિસ્સાઓ તરફ જ્યાં મારી જાતિના લોકો 2% થી ઓછા પ્રમાણમાં જોવા મળ્યાં.
-કેટલાંક ગૃપ સેક્સના,રેવપાર્ટીના,વાઇફ સ્વેપિંગ,સોફિસ્ટિકેટેડ જુગારધામના પણ કિસ્સા હતાં મારી જાતિના લોકો 0% સામેલ રહ્યાં.
* અહીં ફેસબુક પર ચાર સુંદર સ્ત્રીઓને અમુક સવાલો પૂછ્યાં તો તેમણે પણ જણાવ્યું તારી જાતિના મોટાભાગના યુવાનો ફ્લર્ટ નથી હોતા. ખુબ ઓછું બોલે છે. વિનયી હોય છે.

અને છેલ્લે પેલું સમલિંગી ગૃપ..છોડી દિધેલું..પણ સર્ચ કર્યું..અસંખ્ય અશ્લીલ ફોટાવાળું..ચીડ હતી પણ શું કરું?? ત્યાં પણ 200+ મેમ્બરવાળું ગૃપ..માત્ર 3 વ્યક્તિ જ મારી જાતિના મળ્યાં. બાકી બધાં 'સંસ્કારના ઠેકેદારો'..

મારા લોકો ફક્ત એક મામલે સહુથી વધુ આગળ છે..જેને તમે ગંભીર અપરાધ કહો છો.

'ગંધર્વવિવાહ' 'પ્રેમલગ્ન'માં..

અને જે પ્રેમ કરવામાં અવ્વલ હોય એને તમારા ''સંસ્કાર સર્ટીફિકેટ''ની જરુર નથી..!!!

હું દાવા સાથે કહું છું..સામાજીક વૈમનસ્ય ફેલાય તથા લોકોના આર્થિક હિતો જોખમાય એવા કોઇપણ ગુન્હામાં દલિતો આજે તો શું ભવિષ્યમાં પણ જોવા નહી મળે..દલિતો પંચશીલનાં સિદ્ધાંતો ગળથુથીમાં લઇને પેદા થાય છે..અમુકવાર મનેય મારી જાત પર હસવું આવે છે..જન્મજાત બૌદ્ધોને હું બૌદ્ધ બનવા હાકલ કરતો હોઉં છું.

-વિજય મકવાણા

જે નડતર હોય તેને જ દૂર કરો..

By Vijay Makwana
એક મિત્રએ ટકોર કરી..તમે માત્ર હિંદુધર્મની બુરાઇઓ વિશે વધુ લખો છો. ઇસ્લામ અને ખ્રિસ્તીધર્મની બુરાઇઓ સામે કેમ ચૂપ રહો છો?? મેં કહ્યું હું એક સામાન્ય દલિત માણસ છું. મેં ક્યારેય સેક્યુલર હોવાનો દાવો નથી કર્યોં. મને કોઇ જાતિવાદી કહે તો તરત સ્વીકારી લઉં છું. કારણ કે મને મારી જાતિના લોકો માટે અગાધ સ્નેહ છે. હું ફક્ત મને અને મારા સમાજને સ્પર્શતી બાબતો વિશે જ લખવાનો આગ્રહ રાખું છું. હું સમગ્ર દુનિયાની સુધારણાનો ઠેકો લઇને બેઠો નથી. હું એ સત્ય જાણું છું કે, મારું તથા મારા સમાજનું શોષણ અન્ય ધર્મનાં લોકો નથી કરી રહ્યાં. હિંદુધર્મની વર્ણવ્યવસ્થાને કારણે દલિતોની સામાજીક-આર્થિક પરિસ્થિતિ ખરાબ છે. એટલે હિંદુધર્મ તથા સવર્ણ હિંદુઓ મારા નિશાન પર કાયમ રહેશે. અને એક સામાન્ય નિયમ છે કે, પોતાનું ઘર બળી રહ્યું હોય ત્યારે બીજાનું ઘર ઓલવવાં દોડાદોડી ન કરાય! મુસલમાનોને તથા ખ્રિસ્તિઓને તેમનાં ઘર જાતે ઓલવવાં દેવાં જોઇએ! તમારે કે મારે શું કામ ચંચુપાત કરવો જોઇએ?? ગાંધી જ્યારે ભારતને આઝાદ કરવા સત્યાગ્રહ કરી રહ્યાં હતાં ત્યારે વિશ્વના 27 દેશો બ્રીટીશરોની એડી નિચે હતાં..ગાંધીએ બાકીનાં 26 દેશોની વકિલાત નહોતી કરી! સમજ્યાં??

-વિજય મકવાણા

Facebook Post :-

આપણે પ્રચંડ પ્રચારથી અંજાઈને 'ઋષિ પતંજલિ' ને આસનોના રચયિતા માનીયે છીએે

By Rushang Borisa

પતંજલિ યોગ :-

પતંજલિ નામ સાંભળતા જ આપણને મગજમાં યોગ અને યોગાસનોના વિચારો આવે. યોગાસનો એ મૂળભૂત રીતે લયબદ્ધ મુદ્રાઓ છે. જે નિયમિત રીતે કરવામાં આવે તો સ્નાયુઓને જરૂરી લચીલાપણું મળી શકે. અલબત્ત યોગ-આસનોના નામે જે રીતે પ્રચાર કરાય છે તે જોતા આંખો બંધ કરીને આડેધડ યોગાસનો કરવાથી લાભ કરતા નુકસાન વધુ થઇ શકે. એટલે બેઝિક-હળવા આસનોને બાદ કરતા જાણકારી-માર્ગદર્શન મુજબ આગળ વધવું જોઈએ.

હાલમાં મૂળભૂત ૮૦ જેટલા યોગાસનો છે.બાકીના આસનો મુખ્ય આસનોનું નહિવત વેરિએશન હોય શકે.આ તમામ યોગાસનોને આપણે પ્રચંડ પ્રચારથી અંજાઈને સીધા 'ઋષિ પતંજલિ' સાથે સાંકળી પતંજલિને આસનોના રચયિતા માનીયે છીએે પરંતુ,. જો ઊંડી જાણકારી મેળવીયે તો આ ભ્રમ પત્તાની માફક પડી ભાંગે.

યોગાસનો એ પતંજલિની દેન નથી. ઋષિ પતંજલિ આશરે ૩જી સદી બાદ થઇ ગયા હોય; 'પતંજલિ યોગ સૂત્ર' ત્રીજી અને ચોથી સદીને અંદર લખાયેલ ગ્રંથ છે.મૂળ ગ્રંથે ૪ ભાગમાં વહેંચાયેલ છે. તે તમામ પ્રકરણો શારીરિક નહિ, પણ માનસિક સ્વાથ્યનો નિર્દેશ કરે છે. પંતજલિ યોગ સૂત્રોના કેન્દ્રમાં યોગાસનો નહિ ,પણ મેડિટેશન(ધ્યાન) છે.

વળી, પતંજલિ યોગ સૂત્રો બુદ્દિસ્મની ઉઠાંતરી છે. જે કોઈ એ ધમ્મપદ, ત્રિપિટક કે અન્ય બૌદ્ધ સાહિત્ય થોડું ઘણું વાંચ્યું હશે, તેઓ સરળતાથી બુદ્દિસમ અને પતંજલિ ની સમતાઓ પારખી શકે. બુદ્દિઝમ જે મારા (માયા) ના ત્યાગ અને નોન-અટેચમેન્ટના સિદ્ધાંતો દર્શાવે છે તેની નકલ પતંજલિ યોગ સૂત્રમાં દેખી શકાય. વળી, બુદ્દિઝમ માં જે રીતે સ્પષ્ટતાઓ જોવા મળે છે, તે હદ સુધી પતંજલિ પહોંચ્યા નથી લગતા.

ટૂંકમાં, પતંજલિ જે મૌર્યકાળના અંત બાદ થયેલ હોય, સત્તા પરિવર્તન પછી મળેલા એડવાન્ટેજનો લાભ ઉઠાવી તેમણે જે સૂત્રો રચ્યા તે પાછળ હકીકતે બુદ્ધિઝમની પ્રેરણા હતી. પતંજલિએ બુદ્દિઝમના ધ્યાન-યોગ શિક્ષાનું 'પ્લેજરીઝમ'(ઉઠાંતરી) કરેલ હોય તેવી સંભાવના પ્રબળ જણાય છે.

ચાલો ,યોગાસનોને પતંજલિ સાથે સંબંધ નથી તે સ્પષ્ટ છે. પરંતુ, અત્યારે પ્રચાર કરતા યોગાસનોના જનક કોણ? જવાબ છે -૨૦મી સદીમાં થયેલ 'આયંગર'. આ સમય દરમ્યાન આધુનિક મેડિકલ વિજ્ઞાન ઉભરતું હોય , યોગાસનોના ફાયદાઓ રજૂ થઇ શક્યા.

ફોટો : ઈસ્વીસન પૂર્વે ૨ જી સદી એ રચાયેલ(સંશોધકોનું અનુમાન) અને ૧૯૭૩માં ખનન દ્વારા ચીનમાં મળી આવેલ "તાઓ યીન" નામે જાણીતી તસ્વીર નું સ્પષ્ટીકરણ. યાદ રહે, ચીનમાં બૌદ્ધકાળ દરમ્યાન થયેલ 'સોન્ગ વંશ' (આશરે ૯૫૦-૧૨૩૦ દરમ્યાન) પૂર્વે પણ આ વ્યાયામના અવશેષો પ્રાપ્ત થયા હતા. ( https://goo.gl/na2Qx2 ) ....એટલે યોગાસનો ના મૂળ આયંગર નહીં, પણ બુદ્દિઝમ સાથે સંબંધ ધરાવે છે.

⇛ સૂચન : જે કોઈ સભ્ય યોગાસનો ની મજાક કરે છે, પહેલા હકીકતો જાણે....પોતાના ભવ્ય ઇતિહાસનું "હિન્દૂ સંસ્કૃતિ"ના નામે જે બ્રાહ્મણીકરણ થઇ રહ્યું છે તેનાથી વિચલિત ના બને. સંવિધાનથી જે હકો મળ્યા છે તેનો લાભ ઉઠાવી હકીકતો એક્સપોઝ કરવી રહી.મનુમીડિયાની માનસિક ગુલામી માંથી બહાર નીકળો અને બીજાને પણ નીકાળો.પોતાના મનગમતા યોગાસન વડે યોગ દિવસ જરૂરથી ઉજવજો.

આંતરરાષ્ટ્રીય યોગ દિવસ ના કવરેજ મા ચીત્રલેખા એ ૨૦૧૬ નો ફોટો પોતાની વેબસાઈટ પર મુકી દિધો

By Blue Diary Bureau

૧૯૫૦ થી પ્રકાશીત થઈ રહ્યા ચીત્રલેખા વિકલી મેગેઝીન ની વેબસાઈટ પર  ત્રીજા આંતરરાષ્ટ્રીય યોગ દિવસ ૨૧/૦૬/૨૦૧૭ ના અનુસંધાને સંયુક્ત રાષ્ટ્રના મુખ્યાલયને રોશનીથી શણગારવામાં આવ્યું એવા ન્યુઝ પોતાની સાઈટ પર મુક્યા.
પણ સાઈટ પર ના ન્યુઝ મા એક મોટો છબરડો કરી નાખ્યો ચીત્રલેખા ની ટીમ એ.

સમાચાર તો અનુપમ ખેર અને  સંયુક્ત રાષ્ટ્રમાં ભારતના સ્થાયી પ્રતિનિધિ સૈયદ અકબરુદ્દીન ની ટ્વીટ નો આધાર લઈને બનાવવામા આવ્યા હતા પરંતુ તેમા સંયુક્ત રાષ્ટ્રના મુખ્યાલય નો ફોટો સૈયદ અકબરુદ્દીન ની ૨૦૧૬ ની ટ્વીટ નો મુકવામા આવ્યો હતો.
જે અહી નીચે આપેલ લીંક્સ મા આપ સ્પષ્ટપણે જોઇ શકો છો.

સૈયદ અકબરુદ્દીન` ની ૨૦૧૬ ની ટ્વીટ કે જે ફોટો ચીત્રલેખા દ્વારા અત્યારે ૨૦૧૭ ના સમાચાર મા વાપરેલ છે.

Yoga set to light up @UN.
Sneak peek of Yoga posture projections on iconic UN Hqrs building in New York on #IDY2016 pic.twitter.com/D8orZod54u

— Syed Akbaruddin (@AkbaruddinIndia) June 20, 2016

સૈયદ અકબરુદ્દીન ની ૨૦૧૭ યોગા દીવસ માટે ની ટ્વીટ

Yoga lights up @UN.
Guess who switched the illumination lights to commemorate Yoga Day celebrations? pic.twitter.com/Szle0hpZxN

— Syed Akbaruddin (@AkbaruddinIndia) June 19, 2017

અનુપમ ખેર ની ટ્વીટ

Here are more pics of 'Illumination of #UnitedNationsHeaquarters.' in NY. It was great to meet Hon. @AkbaruddinIndia & other members. 🇮🇳 pic.twitter.com/HND3v8FnDX

— Anupam Kher (@AnupamPkher) June 19, 2017

હમણા જ ગૃહ મંત્રાલય ની સાઈટ પર પણ એક આવો જ છબરડો સામે આવ્યો હતો જેમા ભારત પાકીસ્તાન ની બોર્ડર જણાવી ને સ્પેન અને મોરોક્કો વચ્ચે ની સરહદ નો ફોટો મુકવા મા આવ્યો હતો.

ગુજરાત ના પ્રતીષ્ઠીત મેગેઝીન દ્વારા કરવા મા આવેલી આ ભુલ વિસ્મય જનક લાગે છે.
આપણા દેશ મા સરકાર નુ મીડિયા પર દબાણ વધી રહ્યું છે. આવા દબાણ ના કારણે સમાચાર ની ગુણવત્તા પર ગંભીર અસરો પડે છે એ અહી દેખાઈ રહ્યુ છે.

શું ચીત્રલેખા ને પણ યોગ દિવસ નુ કવરેજ કરવાનુ એટલુ પ્રેશર હશે કે ઉતાવળ મા આ રીત ની ભુલ થયેલ છે એ જ વિચારવુ રહ્યું.

આપણી સૌથી મોટી તાકાત જ આપણી સૌથી મોટી કમજોરી બની રહી છે.

By Jigar Shyamlan
આપણી તાકાત એટલે આપણી જનસંખ્યા અને આપણી કમજોરી એટલે આપણાંમાં પ્રવઁતી રહેલ જાતિ,પેટાજાતિના ભેદભાવ..

વરૂ હંમેશા ટોળામાં એક ઝૂંડ બનાવીને જ રહે અને ઝૂંડ બનાવીને જ શિકાર કરે. વરુઓનું ઝૂંડ વ્યુહબાજ અને સવોઁત્તમ શિકારી ગણાય છે. બની શકે ત્યાં સુધી વરૂ પોતાના સમુહથી અળગા રહેવાનુ પસંદ કરતુ નથી. કારણ એ સારી રીતે જાણે છે કે વરૂઓનું ઝૂંડ એ દરેક વરૂની તાકાત છે, અને દરેક વરૂ પાસે ઝૂંડની તાકાત છે. 

આપણી પાસે ટોળુ છે પણ સંગઠન નથી, નેતાઓ કે આગેવાનો છે પણ કાયઁકરો નથી. પાટીદાર આંદોલન પછી જેમ હાદિઁક પટેલ રાતોરાત હિરો બની ગયો તેવી રીતે કેટલાક રાજકીય મંશા ધરાવતા મિત્રો પણ આવા જ હિરોઈઝમ મેળવવા કંઈ કરવા લલચાઈ રહ્યા છે.
આપણે કેટલીય રેલીઓ કરી જોઈ, કેટલાય વિરોધ પ્રદશઁન કાયઁક્રમો કરી નાખ્યા, ધરણાઓ અને સંમેલનો યોજીને શક્તિ પ્રદઁશનો પણ કયાઁ પણ અંતે આપણને શું નક્કર પ્રાપ્ત થયું...??

રેલીઓ, ધરણાઓ અને સંમેલનો કરીને શક્તિ પ્રદઁશનો કરવાથી કંઈ નહી વળે. આપણને જરુર છે એવા સંગઠનની જે તમામ પરિસ્થિતીઓમાં એકજૂટ રહી શકે.. ચુંટણીઓ સમયે તો ખાસ કારણ આપણે આપણા ઉમેદવારને નહી ચુંટી શકીએ ત્યાં સુધી આપણે આમ શક્તિ વિહીન જ રહીશું.
આપણું પહેલું લક્ષ્ય સમગ્ર અનુ.જાતિની એકતા હોવી જોઈયે. ના કોઈ વણકર, ના કોઈ રોહીત, ના કોઈ વાલ્મિકી. એવા આપસના કોઈ પણ ભેદ નહી વણકરથી લઈને વાલ્મિકી સુધીની એકતા.
આપણે અંદરો અંદરનો આ ભેદ મિટાવવો પડશે. છુટા છવાયા બની ગયેલા વરૂઓને ભેગા કરી એક ઝુંડ બનાવવું પડશે. તો જ આપણે દરેક વરુને ઝૂંડની તાકાત અને ઝૂંડને દરેગ વરૂની તાકાત આપી શકીશું.
- જિગર શ્યામલન

Facebook Post :-