આંબેડકર ની વિચારધારા સમજવા માટે એમને વાંચવા જરુરી છે

By Jigar Shyamlan ||  4 March 2018 

આજે પણ બાબા સાહેબનું નામ પડે કે મનુવાદી વિચારસરણી ધરાવતી પાર્ટીઓને તરત જ પરસેવો છુટવા માંડે છે.

આ ડર આજનો નથી પણ બાબા સાહેબ હયાત હતા ત્યારથી છે. એ વખતે પણ અસ્તિત્વમાં રહેલી રાજકીય, સામાજિક સંગઠનો બાબા સાહેબના નામથી થર..થર..થર કાંપતા હતા.
આ ડર વિશેનું કારણ ખુદ બાબા સાહેબે જણાવતા કહ્યું હતું કે-
'' હું વિધ્વાન છું.....
વધારે ભણેલો ગણેલો છું....
સૌથી મોટા સમુદાયનું પ્રતિનિધિત્વ કરું છું....
આ બધા કારણોસર લોકો મારાથી ડરતા નથી.
પણ એ લોકો મારાથી ડરે છે કારણ કે....
હું શીલવાન છું....
ચારિત્રવાન છું....
સ્વમાની છું.....
મને ખરીદી શકાય તેમ નથી.....
મને અને મારા વિચારોને વેચી શકાય તેમ નથી."

આજે મોટાભાગના રાજકીય પક્ષો બાબા સાહેબ સાથે પોતાને જોડી પછાત સમાજને ખુશ કરવા પ્રયાસ કરી રહ્યા છે. પણ તેમને જોઈયે તેટલી સફળતા મળી રહી નથી. કારણ બાબા સાહેબના વિચારધારા અને બાબા સાહેબે લખેલા પુસ્તકો.

બાબા સાહેબની વિચારધારા અને તેમને લખેલા પુસ્તકો એક રીતે છુપાવી રાખેલા બોમ્બ છે. બસ આપણે કંઈ કરવાનું નથી બાબા સાહેબના પુસ્તકોનાં પાનાં ખોલીને વાંચવાના છે.

જ્યારે બાબા સાહેબના વિચારધારા સમાવતા પુસ્તકોરૂપી બોમ્બને વાંચનરૂપી દિવેટથી સળગાવીશું. બસ ત્યારે એવો વિસ્ફોટ થશે જેમાં મનુવાદી વિચારસરણી પાયામાંથી હચમચીને ધરાશાયી થઈ જશે..જમીનદોસ્ત થઈ જશે...

એટલે સૌએ એક જ કામ કરવાનું છે.... બસ સમાજનાં પ્રત્યેક માણસ સુધી બાબા સાહેબના વિચાર... અને તેમને લખેલ પુસ્તકોનો શક્ય તેટલો ફેલાવો કરવો....

આપણે બસ એટલો પ્રયાસ કરવાનો છે કે લોકો બાબા સાહેબને વાંચતા થાય. બસ પછી એને જાગ્રત કરવાનું કામ ખુદ બાબા સાહેબની વિચારધારા કરી દેશે.
- જિગર શ્યામલન

વિચરતી વિમુક્ત ૪૦ જ્ઞાતિઓનો વિકાસ મંત્ર

By Anil Shekhaliya || 3 March 2018 at 19:29

"૧૧% અનામત સાથે ST માં સમાવેશ"

હક્ક મંગવો એ દરેક નાગરિકનો સમાન અધિકાર છે આપણે બીજી બધી જ્ઞાતિઓ કરતા આર્થિક શૈક્ષણિક અને સામાજિક રીતે સૌથી ગરીબ વંચિત શોષિત અને પીડિત પ્રજા છીએ વિચરતી વિમુક્ત જ્ઞાતિઓનો વિકાસ ફક્તને ફક્ત અલગ અનામત મળે તો જ ઉદ્ધાર છે.
આજના ભ્રષ્ટ મુડીવાદિ અને હરિફાઈના યુગમાં આવી નબળી જાતિઓ અને આપણો વિકાસ આપણે કોઈપણ હરીફાઈમાં ટકીને કરી શકીએ તેમ નથી. પાયામાં શિક્ષણ તો જરૂરી છે જ પરંતુ આ બીજા વિકસિત સમાજ સાથે વિકાસની ભાગીદારી મેળવવા અને મુખ્ય ધારા માં આવવા માટે માત્રને માત્ર આપણે ૧૧% સાથે ST માં સમાવેશ કરે તો જ આપનો વિકાસ શક્ય છે એમ લાગે છે.
માટે જાગો ભાઈઓ આપણી એકતા કરી હક્ક અધિકાર માટે આ અભિયાનમાં જોડાઓ.  NT/DNT સમાજ ની ગરીબી નાબૂદી માટે લડાઈ ઉપાડીયે અને આપણને પણ સમાન અધિકાર મળે એ માટે  સૌ સાથે મળી ને સંધર્ષ કરીએ. એક વેર-વિખેર કડીઓને જોડીને એક સાંકળ બનીએ અને આપણો અધિકાર મેળવીને જ જંપીએ

આપણે અનામત શા  માટે માંગીએ  છીએ ઃ-

1. NT/DNT સમાજ શોષિત પીડિત અને વંચિત જંગલી જીવન જીવે છે
2. એક જગ્યાએ વસવાટ નથી નિરંતર ભટકતી જ્ઞાતિઓ છે 
3. આસ્થા શ્રદ્ધાથી મહેનત કરે છે વિકાસ અને રોજગાર માટે ભટકે છે
4. આર્થિક પરીસ્થીતી જ નબળી હોય તો શિક્ષણના ખર્ચા ક્યાંથી કરશે?
5. બિન સંગઠિત કોમ છે
6. જન્મ મરણ રેશનકાર્ડ કે બીપીએલ વગેરેના પુરાવા ધરવતા નથી જેથી કોઈ યોજનાઓના લાભ મેળવી શકતા નથી
7. તીરસ્કાર અને અપમાન નો ભોગ બનેલી પ્રજા છે
8. ઓબીસી માં સમાવેશ કરવાથી NT/DNT સમાજ ફક્ત શોભાના ગાંઠિયા સમાન છે
9. મજબૂત સમાજ જ obc ના ૨૭% અનામત ના લાભ મેળવે છે અને ગરીબના લાભ ઝુંટવાઈ જાય છે

૧૧% અનામત સાથે ST માં સમાંવવાથી શુ ફાયદો મળશે ??

1. કોઈપણ શિક્ષણમાં ઉચ્ચ અભ્યાસમાં NT/DNT બાળકોને અનામતથી અભ્યાસમાં સ્થાન મળશે
2. નોકરીમાં પણ ૧૦૦૦ ક્લાર્કઓની ભરતી હશે તો ૧૧% થી ૧૧૦ NT/DNT બાળકો કલાર્કની નોકરી મેળવશે
3. ૧૦૦૦ પોલીસની ભરતીમાં પણ ૧૧૦ NT/DNT બાળકો પોલીસ બની શકશે
4. ૧૦૦૦ મામલતદારો,કલેકટરો,કે પી.આઈ, વગેરેની ભરતીમાં પણ દરેકમાં NT/DNT ૧૧૦ બાળકો પદ મેળવશે
5. કોઈ પણ ચૂંટણી હોય સરપંચ,ડેલીગેટ,કોર્પોરેટર,ધારાસભ્ય,સંસદસભ્ય વગેરેમાં પણ NT/DNT સમાજ ના લોકો ને ૧૧% લેખે અનામતનો લાભ મળશે.
   જેમ કે, ૧૦૦૦ સરપંચની ગામોમાં ચૂંટણીમાં ૧૧૦ NT/DNT સમાજ માથી સરપંચ બની શકશે, ૨૦૦ ધારાસભ્યોમાં ૨૨ NT/DNT ધારાસભ્યો બની શકશે. આમ દરેક ક્ષેત્રે NT/DNTને ૧૧% મળશે તો તેનો લાભ મળશે અને દેશ ના વિકાસમાં સહભાગી બની શકાશે. 
6. ST માં સમાવેશ કરશે તો અનુસૂચિત જનજાતિને જે લાભ કે સુવિધા મળે છે તે બધી જ સુવિધાઓ આપણને ૧૧% અનામત પ્રમાણે મળશે.

એસ સી કે એસ ટી અનામત મા કોઇ ફેરફાર કર્યા વિના આ ડીમાંડ કરવામા આવે છે.

માટે જાગો ભાઈઓ-બહેનો,વડીલો-યુવાનો આપણા સમગ્ર સમાજોના ઉદ્ધાર માટે વિચરતી વિમુક્ત જ્ઞાતિના નેતૃત્વમાં સૌએ એક સંપ થઈને આપણો અધિકાર મેળવીયે.

વિચરતી વિમુક્તની એક કરોડ પંદર લાખની જનતામાં આપના દરેક પરિવારમાંથી દરેક ઘરમાંથી એક સભ્ય આ અભિયાન માં જોડાઈશું તો એક મજબૂત અવાજ બનશે. "આપણે આપણો અધિકાર મેળવીને જ જંપીશું આવી શપથ લઈએ."

આ અભિયાનમાં જોડાઓ.

આ મેસેજ વધુમાં વધુ શેર કરો તમામ સમાજ સુધી પહોચવો જોઈએ

લી. અનિલ શેખલીયા
મો. 9714017874

સપોર્ટર ઃ-
અજિતભાઈ મીઠાપરા
9924511851
મહેશભાઈ સાથળિયા
8000419315
(Edited By Vishal Sonara)

આ તે આપણી કેવી માનસિકતા...?

By Jigar Shyamlan ||  1 March 2018 at 08:55 

આપણે ખુદને માણસ ઓળખાવીએ છીએ, પૃથ્વી પર સૌથી સુસંસ્કૃત અને સભ્ય હોવાનુ ગૌરવ પણ લઈએ છીએ પણ આ તે આપણી કેવી માનસિકતા...?

એક બાજુ આપણે જેને હોળીમાતા કહીએ છીએ અને બીજી બાજુ એજ માતાને સળગાવવાનુ અમાનવીય કૃત્ય પણ કરીએ છીએ.

હોળી....! 

ઓહ....! સોરી હોળી માતા..!

ક્યાંક વાંચેલુ છે કે માતાના ચરણોમાં જ ખરૂ સ્વર્ગ છે. બીજુ પણ એક વાંચેલુ કે જયારે ઈશ્વરને એવુ લાગ્યુ કે દુનિયામાં તમામ લોકો સુધી પહોંચીને પ્રેમ વરસાવી શકાય એમ નથી એટલે ઈશ્વરે માતાનુ સર્જન કર્યુ. ચાહે માનવ હોય કે જાનવર પણ માતા તો માતા જ હોય છે.

આપણે ખુદને માણસ ઓળખાવીએ છીએ, પૃથ્વી પર સૌથી સુસંસ્કૃત અને સભ્ય હોવાનુ ગૌરવ પણ લઈએ છીએ પણ આ તે આપણી કેવી માનસિકતા...?

એક બાજુ આપણે જેને હોળીમાતા કહીએ છીએ અને બીજી બાજુ એજ માતાને સળગાવવાનુ અમાનવીય કૃત્ય પણ કરીએ છીએ.

હુ જ્યારે જ્યારે પણ હોળી જોઉં છું ત્યારે મને લાકડા, ધાસ, છાણાંઓના ઢગલાને બદલે એક નિર્દોષ સ્ત્રી નો જ ભાસ થાય છે. સમસ્ત નારી જાતિના અપમાન સમી આ ધટનાને ઉત્સવ તરીકે ઉજવવાની માનસિકતામાંથી બહાર આવવુ જોઈયે.

લોકો હોળી પ્રગટાવે છે ત્યારે એક સ્ત્રી પર થતો અત્યાચાર નજર સામે ખડો થઈ જાય છે. 

અગ્નિનુ કામ છે બાળવાનું, અગ્નિ પોતાના સંપર્કમાં આવનારી દરેક વસ્તુ, વ્યક્તિને બાળી જ મૂકવાનો. 

કારણ કોણ સાચુ અને કોણ ખોટુ..?

કોણ પાપી કોણ પુણ્યશાળી..? 

કોણ નિર્દોષ કોણ અપરાધી...? 

એવો અગ્નિને કોઈ વિવેક નથી હોતો. તમે જાતને ગમે તેટલા પુણ્યશાળી માનતા હોવ, ખુદને ભગવાનના માણસ માનતા હોવ. જીવનમાં જાણ્યે અજાણે કોઈ પાપ ન કર્યુ હોય તો પણ અગ્નિના સંપર્કમાં આવશો તો કંઈ એ તમને છોડી નહી દે એ તો તમને બાળી જ મૂકશે.

હવે એક વાત સમજવા જેવી કે બે માણસોને સાથે સળગાવવામાં આવે અને એમાંથી એક માણસ સળગીને રાખ બની જાય અને બીજો હેમખેમ બહાર આવે એ વાત માન્યામાં આવે ખરી..???

શું જે તે વખતે હોળીકાને આ રીતે જાહેરમાં સળગાવી હશે ત્યારે લોકોને હોળીકાની જીવ બચાવવા કરેલ ધમપછાડા અને કરૂણા સભર ચીસો સંભળાઈ જ નહી હોય.

પરંતુ કદાચ ધર્મ આપણને એવા સવાલ કરવાની પરવાનગી નથી આપતો...!

આપણે જાતને શિક્ષીત ગણતા હોય તેમજ તર્ક અને બુધ્ધી જેવી વસ્તુ આપણામાં હોય તો. સ્વાભાવીક આપણને એક સવાલ થવો જોઈયે કે શા માટે એક સ્ત્રીને વિના વાંકે અને એ પણ સૂર્ય આથમતા અંધારાના સમયે સળગાવી મૂકવામાં આવી હતી..?

હા.. એક વાત ખરી કે જ્યારે પણ ચાલાક અપરાધી કોઈ અપરાધ કરે ત્યારે એ ધટના બહાર ન આવે એ માટે સૌથી પહેલા એ પૂરાવાઓનો નાશ કરવાનુ કામ કરે છે. પૂરાવા સળગાવી દેવા એ ચાલાક અપરાધીઓ દ્વારા શોધી કાઢેલ સૌથી હાથવગીને સરળ રીત છે સદીઓથી..

અને એક વાત ખાસ કોઈ પણ ધટના પર લોકો શંકા કરે કે એની પર સવાલ પેદા કરે એ પહેલા એ ધટનાને ધર્મ સાથે જોડી દો એટલે લોકોની શત્રમારી નજરમાં હોળીકાને બાળવાની ધટના એક જબરજસ્ત કાવતરાથી વિશેષ કંઈ નથી.

ખરેખર આપણે ખુદને માણસ ગણતા હોઈએ અને પૃથ્વી પર સૌથી સભ્ય સંસ્કૃતિ હોવાનુ ગૌરવ લેતા હોઈએ તો એક સ્ત્રીને બાળી મૂકવાની આવી અમાનવીય ધટનાઓના ઉત્સવની ઉજવણી બંધ કરવી જોઈયે.

- જિગર શ્યામલન

જો બકા...! મારા સાહેબ એટલે બાબા સાહેબ..

By Jigar Shyamlan ||  2 March 2018 

માર્કસ ડાબેરી વિચારધારા સાથે સંકળાયેલ હતા. એમની વિચારધારા મુજબ જગતમા અમીર અને ગરીબ બે જ ભાગ છે. તથા અમીરો કે પુંજીપતિઓ ગરીબો એટલે કે કામદારોનુ શોષણ કરે છે.

હવે આ મહાનુભાવ ભારતમાં જન્મ્યો ન હોતા. હવે સ્વાભાવિક વાત છે ભારતમાં જન્મ્યા ન હોય એટલે ભારતની કંઈ ખબર ન હોય.

ભારતમાં આર્થિકતાને આધારે ગરીબ કે મજૂરોનુ જેટલુ શોષણ થાય છે તેના કરતા હજારગણુ શોષણ જાતિ આધારીત નીચ વર્ગના લોકોનુ થાય છે.

માર્કસ વર્ગવિહીન સમાજ રચનાની વાત કરતા હતા, પણ એને પોત પોતાના દેશ, કાળ અને પરિસ્થીતી મુજબ મોડીફાઈડ કરી લાગુ પાડવાની છૂટ નકારી ન હતી.

ભારતના સામ્યવાદીઓ અને પોતાને માર્કસવાદી કહેતા કોમરેડ. આ લોકો પાસે ઈન્કલાબ જિંદાબાદ, લાલ સલામ, સર્વહારા, બૂર્જવા, કેપીટાલિઝમ સિવાય કોઈ બીજા શબ્દો નથી. જે પણ હવે ચ્યૂંઈનગમ જેવા બની ગયા છે નથી થુકી શકાતુ કે નથી ગળી શકાતુ..!

આમ તો મને દલિત શબ્દ વાપરવો નથી ગમતો પણ આજે રજૂ કરવા અનિવાર્ય છે એટલે ન છૂટકે વાપરવો પડી રહ્યો છે.

દલિતોમાં પણ કેટલાય કોમ્યૂનિસ્ટો છે. એમને હુ કોમ્યુનિસ્ટ નહી કહુ પણ દલિત કોમ્યુનિસ્ટ જ કહીશ. 

કારણ ભારતના કોમ્યુનિસ્ટ મૂળ તો બ્રાહ્મણો જ. હવે બ્રાહ્મણની પાર્ટી હોય તો એમાં દલિતો દલિતો જ રહેવાના પછી ભલે કોમ્યુનિસ્ટ હોય કે અન્ય.

હવે આ દલિત કોમ્યુનીસ્ટોની વાત.. આ લોકો પાસે માર્કસ પાસે કેમ જવુ તેની સજ્જડ કોઈ દલિલ જ નથી. 

આ દલિત કોમ્યૂનિસ્ટો આર્થિક અને સામાજીક ભેદ સમજી શકવા અસમર્થ છે, તેમની પાસે એ ચિત્ર જોવા યોગ્ય નંબરના કોઈ સ્વતંત્ર કોઈ ચશ્મા જ નથી જે એમને સ્પષ્ટ ચિત્ર બતાવી શકે. એ લોકો આ સમસ્યાને હજીય પણ માર્કસના ચશ્મા પહેરીને જ જૂએ છે. એટલે એમને ધુંધળૂ દેખાય છે.પણ જો તે યોગ્ય નંબરના ચશ્મા લગાવે તો સ્પષ્ટ જોઈ શકશે.

હવે આ જાતિપ્રથા અને તેનો આવિષ્કાર કરનાર મુખ્ય પરિબળ પ્રત્યે આ લોકો લિબરલ રહેવા માંગે છે. મતલબ એ બાબતે ન કોઈ કથન ન કોઈ વિરોધ. હવે આ પાછળ એમની શુ નબળાઈ હશે એ તો એ જાણે.

હવે એમાના કેટલાક દલિત કોમ્યુનિસ્ટો એવા પણ ઉભા થઈ રહ્યા છે જેઓ માર્કસની વાતોને પથ્થરની લકીર સાબીત કરવા મથી રહ્યા છે. ભલે ને મથે આપણને ક્યાં વાંધો પણ આ લોકો માર્કસની લીટી લાંબી કરવા બાબા સાહેબ આંબેડકર પર સવાલો ઉઠાવી રહ્યા છે. આંબેડકરે આમ લખ્યુ... આમ કર્યુ પણ આમ ન કર્યુ એવા સવાલો કરી રહ્યા છે.

હવે મને આ તમામ દલિત કોમ્યુનિસ્ટો પર એટલુ જ હસુ આવે. કારણ આ લોકો એ જ દલિતો છે જે 

•  ગામના છેવાડે ફાટેલી તુટેલી ઝૂંપડીઓમાં હતા..
•  એમને કોઈ ગણતુ ન હતુ કોઈ પણ વર્ગ કે વર્ણમાં કારણ આ લોકોનો પડછાયો પણ કોઈ લેતુ ન હતુ.
•  આ લોકોના બાપદાદાઓ કેવી કાળી મજૂરીઓ કરી કરીને મરી ગયા અને એમની માતાદાદીઓએ લાચારી વશ કેવી કેવી સ્થિતીઓમાં શુ કર્યુ હશે.
•  આ લોકો ધાતુના વઃસણ વાપરી શકતા ન હતા
•  આ લોકો સોનુ ચાંદી પણ પહેરી શકતા ન હતા.
•  આ લોકો જાહેર સ્થળો પર આવ જા કરી શકતા ન હતા.
•  આ લોકોને કોઈકે આપેલુ વધેલુ ધટેલુ કે એઠવાડમાંથી જે મળે તે ખાઈને દિવસો પસાર કરવાના હતા.
•  આ લોકોને ભણવાનુ ન હતુ માત્ર ચાકરી કરવાની હતી.
•  આ લોકોને કોઈ સંપત્તિ પણ ભેગી કરવાની ન હતી.

હવે આવી હાલતમાં સબડી રહેલા દલિતો માટે કોણ આગળ આવેલુ...???

માત્ર બાબા સાહેબ આંબેડકર..

હવે દલિતો માટે આટલો બધો સંધર્ષ કરનાર, દલિતોને અધિકારો અપાવવા એકલપંડે ઝઝૂમનાર, પોતાના પરિવાર, પત્નીની લેશમાત્ર પરવા કર્યા વગર સમગ્ર જીવન દલિતોના હક્ક, અધિકાર અને સન્માન માટે ન્યોછાવર કરનાર બાબા સાહેબ માટે બે ચાર શબ્દો સાચા કહો એટલે આ માર્કસવાદી દલિતો એને આંબેડકર ભક્તી ગણાવવા લાગે છે.

પણ તમે માર્કની વાતોને સાચી ઠરાવવા આંબેડકરે આ અભ્યાસ ન કર્યો ને આ બાબતે આમ ન કર્યુ એવુ બધુ કહી આખેઆખા દંડવત કરી ચરણોમાં આળોટવા માંડો એ વ્યાજબી..

હુ તો એક જ વાત કહીશ બાબા સાહેબ મારા માટે તો માર્કસ કરતાય મહાન છે. હવે આને તમારે મારી આંબેડકર ભક્તિ ગણાવવી હોય કે બીજુ જે કહેવુ હોય મને કોઈ ફરક નથી પડતો.

હુ અછૂત હતો એટલે મારૂ શોષણ થયુ હતુ... હુ ગરીબ હતો એટલે નહી. હુ સતત નીચ જાતિનો હોવાથી હડધુત થયો છુ ગરીબ હોવાના લીધે નહી.

હુ આજે આટલુ બધુ લખી શકુ... મારા વિચારો વ્યક્ત કરી શકુ એ પણ જાહેર મંચ પર મને આ તમામ અધિકારો અપાવવા મારા બાબા સાહેબ લડ્યા હતા કોઈ માર્કસ નહી.

એટલે જો બકા...! મારા સાહેબ એટલે બાબા સાહેબ..

Letter from Gujarat

By Raju Solanki  || 20 February 2018 at 17:26

Letter from Gujarat

How helplessly pathetic it has been to watch both political parties in Gujarat manipulating each and every atrocity on Dalits, getting political mileage out of it and using it for their narrow electoral gains during last forty years!
In the eighties when Congress was in power, BJP would exploit Dalit anger sending its Dalit stooges in Dalit protests and Dharanas, Modi would come with a glass of lemon to end daylong fast of his party's obedient Dalit leaders. The famous Sambarada struggle of 1989 was the glaring example of BJP's blatant manipulation of Dalit dissent, where the then Union finance minister B K Gadhvi was the villain as his caste men tormented Dalits of Sambarda village. The Samabarda struggle was one of the reasons for Congress' downfall in Gujarat.
Now, it is a turn of Congress, the opposition party to ride on Dalit anger and beat BJP with the same tactics and method. And Dalits are simply becoming pawns in the power struggle between two Brahmanical parties.
- Raju Solanki
(copy from 'Tamil-Gujarat Sangam')